Moises 1; Abraham 3: Leksiyon 4

Moises 1:1–11

“Ako Adunay Usa ka Buhat Alang Kanimo … Akong Anak”

Sa taas nga bukid, si Moises “nakakita sa Dios nawong sa nawong, ug siya nakigsulti uban Kaniya” (Moises 1:2). Giingnan sa Dios si Moises, “Ikaw mao ang akong anak” (Moises 1:4) ug “Ako adunay usa ka buhat alang kanimo” (Moises 1:6). Katuyoan niini nga leksiyon ang tabangan ang mga estudyante nga mobati nga mga anak sila sa Dios ug aduna Siyay buluhaton nga ipabuhat kanila.

Pagpangandam sa estudyante: Dapita ang mga estudyante sa pagpamalandong o pagsulat kon unsay ilang gituohan nga katuyoan sa kinabuhi.

Mga Posibleng Kalihokan sa Pagkat-on

Usa ka butang nga imong buhaton

Isulat sa pisara, “ (Imong ngalan), aduna koy ipabuhat nimo.” Pangutan-a ang mga estudyante kon unsay ilang bation kon naay usa ka tawo nga moingon nila nga naa siyay ipabuhat nila. Ikonsiderar ang pagpangutana sa mosunod.

• Nagdepende ba ang imong bation kon kinsay nagsugo? Ngano o nganong dili?

• Unsay imong bation kon ang Dios ang nag-ingon niini kanimo? Ngano man?

  Dapita ang mga estudyante sa pagtubag sa mosunod nga mga pangutana diha sa ilang mga journal sa kasulatan.

• Nagtuo ba ka nga adunay ipabuhat kanimo ang Dios niining kinabuhia? Ngano o nganong dili?

• Unsa ka maayo ang imong bation nga nasayod ka unsa ang gusto sa Dios nga imong buhaton?

• Unsa kaha ang kinahanglan nimong masayran bahin sa Dios ug sa imong kaugalingon aron madasig niana nga buhat?

Samtang tun-an sa mga estudyante ang Moises 1 niini nga leksiyon, dapita silang tinguhaon ang tabang sa Espiritu Santo aron mas mailhan ang ilang kaugalingon, ang Dios, ug kon unsay gusto Niyang ipabuhat kanila niining kinabuhia.

Ang ehemplo ni Moises

Dapita ang mga estudyante nga basahon ang basahon ni Moises sa Perlas nga Labing Bililhon. Ipasabot nga gipadayag sa Dios ang Basahon ni Moises pinaagi ni Propeta Joseph Smith samtang nagtrabho siya sa dinasig nga hubad sa Genesis 1 hangtod Genesis 6:13. Naa niini ang mga sugo sa Dios kang Moises nga irekord ang (Moises 1:40).

Ikonsiderar ang pagpakita sa litrato ni Moises parehas sa mosunod.

• Unsay imong nahibaloan bahin kang Moises ug sa iyang kinabuhi?

  Kon kinahanglan, ipasabot nga sa wala pa gipahigayon sa Ginoo ang mga milagro pinaagi ni Moises aron mahaw-as ang iyang katawhan gikan sa pagkaulipon, si Moises natawo nga Israelita (usa ka sakop sa katawhan sa pakigsaad sa Dios) pero gisagop sa harianong pamilya sa Ehipto. Sa kataposan kinahanglan siyang moikyas gikan sa Ehipto paingon sa laing lugar aron luwason ang iyang kinabuhi, ug mibiya sa iyang giila nga pamilya.

• Kon ikaw ang anaa sa kahimtang ni Moises, unsa tingali imong mahunahunaan bahin sa katuyoan sa imong kinabuhi?

Pipila ka panahon human miikyas si Moises sa Ehipto, mipakita ang Manluluwas kang Moises “nawong sa nawong” (Moises 1:2). Si Jesukristo, kay nahimong usa ngadto sa Langitnong Amahan, nakig-istorya kang Moises nga morag Siya ang Dios nga Amahan. Busa, pwede natong basahon kini nga mga bersikulo aron mas masabtan ang Amahan ug ang Anak. Daghan og nakat-onan si Moises bahin sa Langitnong Amahan ug sa Iyang relasyon Kaniya nga migiya kaniya sa paghimo sa usa ka importanteng buluhaton. Aron tabangan ang mga estudyante nga mahibaloan kon unsay nakat-onan ni Moises, idrowing ang mosunod nga tsart sa pisara. Niini nga kalihokan, pwedeng kopyahon sa mga estudyante ang tsart diha sa ilang mga journal sa pagtuon o kompletohon kini uban sa klase diha sa pisara.

Ang Langitnong Amahan ug si Jesukristo	Moises

Basaha ang Moises 1:1–11, nga maghanduraw unsa kahay bation kon ikaw ang nakasinati niini nga kasinatian. Diha sa tsart, isulat unsay gitudlo sa mga bersikulo bahin sa Langitnong Amahan, ni Jesukristo, ug ni Moises.

Ang laing paagi sa pagtuon niini nga mga bersikulo mao ang pagpasalida sa bidyo nga “I Am a Son of God” gikan sa time code 0:00 hangtod 2:49. Human sa bidyo, pwede nimong dapiton ang mga estudyante nga basahon ang mga bersikulo, nga mangita sa importanteng mga pamahayag o detalye nga wala sa bidyo.

Dapita ang mga estudyante nga ipakigbahin ang ilang nakita sa mga kasulatan samtang ilang kompletohon ang tsart ug kon nganong importante o makahuloganon kini kanila. Kon gikinahanglan, ipangutana ang mosunod nga pangutana.

• Unsa ang mipatigbabaw alang kanimo bahin sa Langitnong Amahan ug ni Jesukristo? Ngano man?

  Samtang ipakigbahin ang mga estudyante, pangita og higayon nga mahatagan og gibug-aton sa kahalangdon sa Dios. Pwede nimong hangyoon ang mga estudyante nga isulti ang mga hugpong sa mga pulong nga nagpasiugda sa Iyang gahom.

• Unsay giingon sa Dios kang Moises sa mga bersikulo 4, 6–7 nga magamit alang kanimo?

  Ang mga estudyante mahimong moila og nga sama sa: Kita mga anak sa Dios ug aduna Siyay ipabuhat nato. Ikonsiderar ang pagdapit sa mga estudyante nga irekord kini nga kamatuoran diha sa ilang mga kasulatan o markahan ang mga hugpong sa mga pulong nga nagtudlo bahin niini.

• Sa unsang paagi ang pagkahibalo sa kahalangdon sa Dios mas makahatag og kahulogan sa pagkahimong Iyang anak?

• Sa unsang paagi ang pagkasabot nga kita mga anak sa Dios makatabang natong masabtan ang atong katuyoan o mga katuyoan niining kinabuhia?

Timan-i: Makatabang tingali ang pagkahibalo nga, sa sunod nga leksiyon sa Moises 1:12–26, tun-an sa mga estudyante kon sa unsang paagi nakatabang ang pagkasabot ni Moises sa iyang pagkatawo isip anak sa Dios naghatag kaniya og gahom aron masuklan niya ang mga tentasyon ni Satanas. Usab, ang leksiyon sa Genesis 1:26–27 pagkasunod semana makatabang sa mga estudyante nga mabati ang kaimportante sa ilang pagkatawo ug sa potensiyal isip mga anak sa langitnong mga ginikanan.

Ang buhat nga aduna ang Dios alang kanato

Aron tabangan ang mga estudyante nga mamalandong kon sa unsang paagi adunay importanteng ipabuhat ang Dios sa matag usa sa Iyang mga anak, ikonsiderar ang paghimo sa mosunod nga kalihokan.

Pagdrowing og tulo ka tukog nga giporma og tawo sa imong journal sa pagtuon. Pagkat-on bahin sa buluhaton nga ipabuhat sa Dios sa matag indibidwal sa mosunod nga mga pananglitan ug butangi og label ang mga tukog nga giporma og tawo. Dayon isulat ang mga tubag sa mosunod nga mga pangutana tupad o ubos sa matag lipak nga tawo.

1. Moises. Tan-awa ang “Moises” sa Bible Dictionary o Giya ngadto sa mga Kasulatan.

2. Si Girish (natawo ug midako sa Nepal nga nakakaplag sa ebanghelyo ug sa kadugayan mibalhin sa Utah). Basaha ang mosunod o tan-awa ang “I Have a Work for Thee” (10:25) gikan sa time code 0:18 hangtod 1:12.

Paglabay sa mga tuig, sa dihang sobra sa 1,500 ka mga bakwit gikan sa mga kampo sa Nepal namalhin ngadto sa Utah, si Girish nadasig nga motabang. Maantigo sa lumad nga pinulongan ug nakasabut sa kultura, si Girish nagserbisyo isip usa ka tighubad, magtutudlo ug mentor. … Usa ka branch nga Nepali ang pinulongan naorganisar, ug si Girish nagserbisyo isip presidente sa branch. Instrumento usab siya sa paghubad sa Basahon ni Mormon ngadto sa Nepali. (John C. Pingree Jr., “Ako Adunay Buhat alang Kanimo,” Liahona, Nob. 2017, 32)

1. Dismayado nga sister. Basaha ang mosunod.

Usa ka adlaw, usa ka dismayado nga sister nangamuyo, “Ginoo, unsay akong personal nga pangalagad?” Mitubag Siya, “Tan-awa ang uban.” … Sukad niadto, nakaplagan niya ang kalipay sa pagtagad niadtong kanunay nga makalimtan, ug ang Dios mitrabaho pinaagi kaniya sa pagpanalangin og daghan. (John C. Pingree Jr., “Ako Adunay Buhat alang Kanimo,” Liahona, Nob. 2017, 33-34)

Pwede nimong pulihan ang istorya ni Girish o sa dismayadong sister og laing modernong ehemplo nga imong nahibaloan.

Makatabang tingali ang pagpakita sa mosunod nga mga pangutana diha sa pisara.

• Unsay gihimo sa indibiduwal aron tabangan ang uban ug dad-on sila paingon ni Jesukristo?

• Nganong ang usa ka mahigugmaong Dios gustong ipabuhat kanila kini nga buluhaton?

• Giunsa sila pag-andam sa talagsaong paagi aron makatabang? O mitabang ba sila sa talagsaon o personal nga paagi?

Samtang ipakigbahin sa mga estudyante ang ilang nakaplagan, pangita og mga paagi nga klarohon nga dili tanan dako o engrande ang ipahimo kanato sa Ginoo, pero kanunay kining importante para sa Ginoo ug sa Iyang mga anak nga atong giserbisyohan. Ang pihong mga tahas o responsibilidad nga ihatag kanato sa Ginoo makatabang nato nga makigbahin sa Iyang buluhaton sa kaluwasan ug kahimayaan (tan-awa sa Moises 1:39). Aduna pod tingali mga tahas nga gusto Niyang tutokan nato sa pagkakaron, apan pwedeng hangyoon kita Niya nga tutokan ang laing butang sa umaabot.

Usa ka buluhaton para kanimo

Pagdrowing og dugang tukog nga giporma og tawo ug isulat ang imong ngalan ilawom ini.

Si Elder John C. Pingree Jr. sa Seventy mipamatuod:

Ngadto kang Moises, ang Dios miingon, “Ako adunay usa ka buhat alang kanimo” (Moises 1:6). Naghunahuna ba kamo kon ang Langitnong Amahan aduna bay buhat alang ninyo? Aduna bay importante nga mga butang ang Iyang giandam kaninyo—ug ilabi na kanimo—nga tumanon? Hinaot nga ang tubag oo! (“Ako Adunay Buhat alang Kanimo,” Liahona, Nob. 2017, 32)

Ikonsiderar ang pagdapit sa mga estudyante nga mag-ampo sa hilom ug tinguhaon ang pagpadayag gikan sa Ginoo samtang ilang tubagon ang pipila o tanan sa mosunod nga mga pangutana bahin sa kaugalingon nilang tukog nga giporma og tawo. Makatabang tingali ang pagpasabot nga dili tingali madawat sa mga estudyante ang kompletong mga tubag niining mga pangutanaha diha sa klase. Dapita sila sa pagpadayon sa pagpamalandong ug sa pag-ampo alang kanila.

• Unsa ang akong gibuhat nga posibleng bahin sa ipabuhat kanako sa Dios niining kinabuhia?

• Unsa ang gipadayag nang daan sa Dios kanako bahin sa unsay Iyang ipabuhat kanako? (Pwedeng apil ani ang mga panalangin sa pagkapari, mga calling, patriyarkal nga mga panalangin, ug uban pang mga panahon sa pagpadayag.)

• Sa unsang paagi kaha gusto sa Dios nga personal nakong buhaton ang Iyang buluhaton diha sa akong pamilya? sa akong ward o branch?

• Sa unsang paagi kaha gusto sa Dios nga mangandam ko aron makatabang sa uban karon ug sa umaabot?

Kon dili kaayo personal, dapita ang mga estudyante nga ipakigbahin ang ilang mga impresyon o mga pagbati samtang nagtuon karon. Ikonsiderar ang pagpakigbahin sa imong pagpamatuod ug mga pagbati bahin sa mga baroganan niini nga leksiyon.

Dugang nga mga Kapanguhaan

Kinsay nakig-istorya kang Moises sa Moises 1: Ang Langitnong Amahan o si Jesukristo?

Si Presidente Joseph Fielding Smith (1876–1972) miingon:

Sa tanan nga mga kasulatan, diin ang Dios gihisgotan ug diin siya mipakita, si Jehova mao ang nakig-istorya kang Abraham, Noe, Enoch, Moises ug sa tanan nga mga propeta. …

Sa paghatag og mga pagpadayag ang atong Manluluwas usahay mamulong sa Iyang kaugalingon; ug sa ubang higayon alang sa Amahan, ug sa ngalan sa Amahan, nga daw siya ang Amahan, ug sa gihapon mao si Jesukristo, ang atong Manunubos ang mihatag sa mensahe. (Mga Doktrina sa Kaluwasan, comp. Bruce R. McConkie, 3 vols. [1954–56], 1:27–28)

Nganong importanteng mahibaloan nga kita mga anak sa Dios?

Si Presidente Russell M. Nelson mitudlo:

Hinigugma kong mga higala, kamo literal nga espiritu nga mga anak sa Dios. …

Ako nahadlok nga tingali kanunay ninyong nadungog kini nga kamatuoran nga kini daw mas sama sa usa ka bansilag [slogan] kay sa balaanon nga kamatuoran. Ug gani, ang paagi nga kamo maghunahuna mahitungod kon kinsa gayod kamo makaapekto sa hapit matag desisyon nga inyong himoon. (“Mga Pagpili alang sa Kahangtoran” [tibuok kalibotan nga debosyonal para sa mga young adults, Mayo 15, 2022], broadcasts.ChurchofJesusChrist.org)

Moises 1:10. Unsay ipasabot sa “ang tawo walay bili”?

Nakat-onan ni Moises nga, kon itandi sa Dios, “ang tawo walay bili” (Moises 1:10). Gitambagan usab kita ni Hari Benjamin nga “kanunay magpabilin sa inyong panumdoman, ang pagkahalangdon sa Dios, ug ang inyong kaugalingon nga pagkawalay hinungdan” (Mosiah 4:11).

Si Presidente Dieter F. Uchtdorf, samtang nagserbisyo sa Unang Kapangulohan, mitudlo:

Kini ang kalainan sa tawo: itandi ngadto sa Dios, ang tawo walay bili; apan kita ang tanan alang sa Dios. …

Mga kaigsoonan, ang labing gamhanang Nilalang sa uniberso mao ang Amahan sa inyong espiritu. Siya nakaila kanimo. Siya nahigugma kaninyo sa hingpit. …

Ang Dios nagtan-aw kaninyo dili lang isip mortal nga nilalang sa gamayng planeta nga mabuhi sa mubong panahon—Siya nagtan-aw kaninyo isip Iyang anak. Siya nagtan-aw kaninyo isip ang nilalang nga kamo makahimo ug giplanohan nga mahimo. Siya gusto nga kamo masayod nga kamo importante ngadto Kaniya. (“Kamo Importante ngadto Kaniya,” Liahona, Nob. 2011, 20, 22)

Dugang nga mga Kalihokan sa Pagkat-on

Lain pang paagi sa pagsugod

Alang sa laing paggi sa pagsugod, hangyoa ang mga estudyante nga ipakigbahin kon para nila unsay bation sa kadaghanang batan-on bahin sa mosunod nga pamahayag ug kon ngano.

• Aduna koy kompiyansa kon kinsa ko.

• Nahibalo ko sa katuyoan sa akong kinabuhi.

Dapita ang mga estudyante sa pagpakigbahin kon nganong lisod ang adunay kompiyansa ug mahibalo sa ilang katuyoan. Dasiga ang mga estudyante nga mamalandong unsay ilang gibati ug tinguhaon ang tabang sa Ginoo aron tubagon kini nga mga pangutana samtang ilang tun-an kini nga leksiyon.

“Ako adunay usa ka buhat alang kanimo” (Moises 1:6)

Alang sa laing paagi sa pagtabang sa mga estudyante nga mamalandong kon unsay ipabuhat sa Dios kanila, ikonsiderar ang pagdapit kanila nga pulihan ang Moises sa ilang ngalan diha sa bersikulo 6. Kon gusto ka, pwede usab nimo silang dapiton nga basahon ang Joseph Smith—Kasaysayan 1:33, nga mangita sa sama nga kamatuoran para kang Joseph Smith ug ipuli usab ang ilang ngalan didto. Pwede nimong ipasabot nga wala nahibalo si Joseph kon unsay iyang buluhaton niining panahona, pero anam-anam kining gipadayag kaniya sa Ginoo.

Ipakigbahin kanila ang mosunod nga kinutlo gikan kang Presidente Russell M. Nelson.

Tungod kay adunay halangdon nga plano sa kaluwasan nga gisulat sa Langitnong Amahan, dili ba kani rason nga kamo usab adunay balaanon nga padulngan?

Ayaw og kasayop niini: Balaanon ang inyong potensiyal. Uban sa inyong makugihon nga pagtinguha, ang Dios mohatag kaninyo og mga pasiplat kon kinsa kamo mamahimo. (“Mga Pagpili alang sa Kahangtoran” [tibuok kalibotan nga debosyonal para sa mga young adult, Mayo 15, 2022])

Dugang ehemplo sa paghimo sa buluhaton sa Dios:

Kon gusto kang mopakigbahin og dugang ehemplo sa pagbuhat sa buluhaton sa Dios, o pulihan ang usa nga anaa sa leksiyon, ikonsiderar ang pagpakigbahin sa istorya ni Priscilla Sampson-Davis sa Ghana (“Aron Makaapil usab Sila sa Pag-awit,” Mga Kasaysayan sa Tibuok Kalibotan, Ghana).