Moises 1; Abraham 3

Moises 1; Abraham 3

Kinatibuk-ang Pagpasabot

Giasoy sa Moises 1 ug Abraham 3 ang mga kasinatian sa propeta uban sa Ginoo. Gipakita sa Ginoo kang Abraham nga, sa kinabuhi sa wala pa dinhi sa yuta, mitawag Siya og mga magmamando aron tabangan kita. Ang Ginoo mitudlo kang Moises nga anak Siya sa Dios nga naay angayng himoon, ug nga kini mao ang “buhat ug himaya sa Ginoo sa pagpahinabo sa pagka-imortal ug sa kinabuhi nga dayon sa tawo” (Moises 1:39). Gibuntog usab ni Moises ang mga pagtental ni Satanas.

Paghimo og luwas nga palibot diin ang tanan gitahod ug nahibalo nga ang ilang mga kontribusyon gihatagan og bili. Ang kinasingkasing nga mga komplementaryo ug pagdayeg sa mga estudyante diha sa klase makatabang nga molambo ang ilang pagkaandam nga mopail diha sa leksiyon. Aron makakat-on og dugang, tan-awa ang “Higugmaa Kadtong Inyong Tudloan” sa Pagtudlo Sumala sa Pamaagi sa Manluluwas. Ang usa ka ehemplo unsaon sa paghimo niini makitasa leksyion nga “Abraham 3.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Abraham 3

Katuyoan sa leksiyon: Aron tabangan ang mga estudyante nga masabtan kon sa unsang paagi makatabang sa ilang kinabuhi ang kahibalo bahin sa kinabuhi sa wala pa dinhi sa yuta diha sa plano sa Langitnong Amahan.

• Pagpangandam sa estudyante: Dapita ang mga estudyante sa pagpangutana sa usa ka higala o sakop sa pamilya kon unsay ilang nahibaloan bahin sa kinabuhi sa wala pa dinhi sa yuta ug sa unsang paagi makatabang nila ang pagkahibalo bahin sa kinabuhi sa wala pa dinhi sa yuta.

Moises 1:1–11

Katuyoan sa leksiyon: Aron tabangan ang mga estuyante nga mobati nga mga anak sila sa Dios ug aduna Siyay buluhaton nga ipabuhat kanila.

• Pagpangandam sa estudyante: Dapita ang mga estudyante sa pagpamalandong o pagsulat kon unsay ilang gituohan nga katuyoan sa kinabuhi.

• Imahe: Litrato ni Moises, pananglitan, nagtunga sa Pulang Dagat.

• Mga bidyo: “I Am a Son of God” (6:30) gikan sa time code 0:00 hangtod 2:49; “I Have a Work for Thee” (10:25) gikan sa time code 0:18 hangtod 1:12.

Moises 1:12–26

Katuyoan sa leksiyon: Aron tabangan ang mga estudyante sa pagkuhag kusog gikan sa Dios aron makabuntog sa ilang personal nga mga tentasyon.

• Pagpangandam sa estudyante: Dapita ang mga estudyante sa pagpamalandong sa usa sa mga tentasyon nga personal nilang giatubang ug pagsulod sa klase nga andam sa pagkat-on kon unsaon kini pagbuntog.

• Bidyo: “I Am a Son of God” (6:30) gikan sa time code 2:50 hangtod 6:30.

Moises 1:27–42

Katuyoan sa leksiyon: Aron tabangan ang mga estudyante nga mahimong mobati nga mapasalamaton sa Langitnong Amahan ug sa Iyang buhat nga mahitabo ang pagka-imortal ug kinabuhing dayon ang tanan Niyang anak.

• Pagpangandam sa estudyante: Dapita ang mga estudyante sa pagpamalandong sa kadaghan sa mga linalang sa Langitnong Amahan ug sa gugma sa Langitnong Amahan para sa matag usa niini. Ang usa ka paagi sa paghimo nila niini mao ang pagsud-ong sa kalangitan sa masanag nga kagabhion ug paghunahuna unsa ang gibati sa Langitnong Amahan para kanila taliwala sa daghang bituon, mga planeta, ug mga galaksiya nga Iyang gilalang.

• Leksiyon nga naggamit og usa ka butang: Gamayng sudlanan sa balas ug gamayng sudlanan sa tubig, o litrato sa balas.

• Mga bidyo: “This Is My Work and Glory,” (17:11) gikan sa time code 0:53 hangtod 1:31; “You Matter to Him” (19:30) gikan sa time code 3:56 hangtod 4:46.