Genesis 12–17; Abraham 1–2

Genesis 12–17; Abraham 1–2

Kinatibuk-ang Pagpasabot

Si Abraham nangita sa Ginoo ug nagtinguha nga mahimong sumusunod sa pagkamatarong. Ang Ginoo mipakigsaad sa paghatag kang Abraham og yuta, kaliwatan, ug mga panalangin sa pagkapari. Ang kaliwatan ni Abraham adunay responsibilidad sa pagpanalangin sa tanang kanasoran sa yuta sa mga panalangin sa ebanghelyo sa Manluluwas. Kini nga pakigsaad nailhan nga pakigsaad ni Abraham. Isip mga miyembro sa Simbahan sa Manluluwas, makadawat kita sa mga panalangin ug mga responsibilidad sa pakigsaad ni Abraham.

Tabangi ang mga tigkat-on sa pagpangita, pag-ila, ug paglihok sa personal nga pagpadayag. Ang mga magtutudlo makatabang sa mga estudyante sa pag-ila ug paglihok sumala sa inspirasyon gikan sa Espiritu Santo. Usa ka paagi sa paghimo niini mao ang pagpangutana nga makatabang sa mga estudyante nga molihok sumala sa personal nga pagpadayag. Ang Manluluwas mitabang usab sa mga tigkat-on sa paglihok sumala sa pagpadayag pinaagi sa pagpangutana kanila. Usa ka ehemplo kon unsaon pagtabang sa uban nga molihok sumala sa pagpadayag makita sa Leksiyon 24: “Abraham 2:9–11.” Aron makat-on pa og dugang, tan-awa sa “Gitabangan sa Manluluwas ang Uban sa Pagtinguha, Pag-ila, ug Paglihok sa Personal nga Pagpadayag” (Pagtudlo sumala sa Pamaagi sa Manluluwas [2022], 18).

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Abraham 1

Katuyoan sa leksiyon: Aron matabangan ang mga estudyante nga mobati og paglaom nga ang Langitnong Amahan makatabang nila nga makaangkon og mga panalangin nga gusto Niya nga ilang madawat.

• Pagpangandam sa estudyante: Dapita ang mga estudyante sa paghimo og lista sa unsay ilang labing gusto sa kinabuhi ug sa paghunahuna kon unsay bation sa Langitnong Amahan mahitungod sa unsay ilang labing gusto.

• Mga bidyo: “Deliverance of Abraham” (1:38); “A Perfect Brightness of Hope” (17:45) gikan sa time code nga 11:09 hangtod 11:38

Genesis 12, 17

Katuyoan sa leksiyon: Aron matabangan ang mga estudyante sa pagpasabot sa pakigsaad ni Abraham ug sa unsang paagi kini may kalabotan ngadto kanila.

• Pagpangandam sa estudyante: Dapita ang mga estudyante sa pagpangita sa “Pakigsaad ni Abraham” diha sa Librarya sa Ebanghelyo o sa Ang Giya ngadto sa mga Kasulatan, ug motambong nga andam nga mopakigbahin sa unsay ilang nakit-an.

• Sulod nga ipakita: Ang duha ka kolum nga tsart ubos sa ulohan nga “Unsa ang pakigsaad ni Abraham?”; ang kaubang mga tudling sa kasulatan alang sa matag kolum

Abraham 2:9–11

Katuyoan sa leksiyon: Aron matabangan ang mga estudyante sa paglihok sa mga responsibilidad nga gihatag sa Ginoo kanila isip binhi ni Abraham.

• Pagpangandam sa estudyante: Dapita ang mga estudyante sa paghunahuna mahitungod sa mosunod nga mga pangutana ug sa paghisgot niini uban sa usa ka sakop sa pamilya: Ngano nga ang ebanghelyo ni Jesukristo importante kanimo? Ngano sa imong hunahuna ang “tanan nga mga tawo nanginahanglan niini?”

• Bidyo: “Becoming a Missionary” (17:07) gikan sa time code nga 15:00 hangtod 15:27

• Handout: “Pagtuman sa atong mga responsibilidad diha sa pakigsaad ni Abraham”