Wiewia Kan 9:36–42

Dapida, Lih emen “Audaudiki Wiewia Mwahu kan”

Pwurehng mourda sang ni manaman en Sises Krais

Dapida wia tohnpadahk loalopwoat men en Sises Krais. E kin kouson nan kanihmw kis limwahn sehdo, me adaneki Sopa. E kin pereniki papah oh sewese aramas akan me semwehmwe.

Wiewia kan 9:36

Dapida wiada likou oh kihong lih akan me anahn. Irail poakohng Dapida.

Wiewia kan 9:39

Rahn ehu, Dapida soumwahuda. Uwen ah soumwahu inenen laud me kahrehda ah en mehla.

Wiewia kan 9:37

Towe teikan en Mwomwohdisou nan Sopa inenen pahtoula. Irail ese me Piter, emen Sapwellimen Sises Wahnparoan ko, mihmi ni kanihmw me keren. Re kadarala ohl riemen en peki rehn Piter en mwadahngodo rehrail.

Wiewia kan 9:38

Piter kohdohng wasa me paliweren Dapida mih ie. Ekei lih me Dapida sewesehko mihmi wasao. Irail kasalehiong Piter likou kan e kihong irail.

Wiewia kan 9:39

Piter peki rehn aramas akan en pidoila sang nan perehu. E kelehpwidi oh kapakap.

Wiewia kan 9:40

Mwurin ah kapakap, Piter koasoia, “Dapida, pwourda.” E pehdpeseng mese kan oh mwohdada. Piter sewese Dapida en kesihnenda. E pwurehng mourda! Piter ekerki kempoakepah kan en kohdo oh kilang ih. Irail pwuriamweila! Irail ese me e pwurehng mourda sang ni manaman en Sises Krais. Aramas tohto tepda kamehlele Ih.

Wiewia Kan 9:40–42