Wiewia Kan 8:5–24

Saimon oh Manaman en Koht

Kaskasukuhleki duwen Sapwellimen Koht prihsduhd

Ohl emen me adaneki Saimon kin kouskouson nan Sameria. Ni ansou me e rongada rongamwahu en Sises Krais, e kamehlele. E pil kin pwuriamweikihla manaman kopwuriamwei kan me sapwellimen Sises tohnpadahk kan kin wia sang ni manaman en Koht. Saimon pepdaisla, oh pil iangahki ohl oh lih tohto nan Sameria.

Wiewia Kan 8:5–13

Wahnpoaron ko nan Serusalem esehda me aramas akan en Sameria kan wia pepepdaisla. Piter oh Sohn kohla nan Sameria. Sang ni doadoahngki manaman en Koht, de prihsduhd, re kihdieng pehrailko pohn aramas ako me pepdaislahr oh kiheng irail kisakis en Ngehn Sarawi.

Wiewia Kan 8:14–17

Ni ansou me Saimon kilang Piter oh Sohn wia met, e song en kihehng ira mwohni oh nda, “Pil kiheng ie manaman wet.” E men pwainda prihsduhd en Kohto pwe en kak pil kihda kisakis en Ngehn Sarawio.

Wiewia Kan 8:18–19

Piter kawewehieng me sohte me kak pwainda prihsduhd en Koht. E wia kisakis ehu sang Reh. Piter padahkieng Saimon me e anahne wekidala ah mohngiong. E lukehieng Saimon en koluhla oh kapakapkiheng Koht en mahkehng.

Wiewia Kan 8:20–23

Saimon insensuedkihla. E peki rehn Piter en kapakapki Ih pwe en kak wekila.

Wiewia kan 8:24