Luk 24:13–25

Sises Ketin Kaloalamwahuih Tohnpadahk Riemen

Ehupene patpato kohla pohn ahl en Emaus

Ni rahn me Sises ketin iasadahu, tohnpadahk riemen ahpw patpato sang Serusalem kolahng ni kahnihmw en Emaus. Ira kin idawehn Sises, oh ira ahniki pahtou. Ira wie koasokoasia duwen en Sises pwoula oh soahng kei me wiawiher rahn ekei samwalahro.

Luk 24:13–14

Ni arail wie ketket kohla, Sises ahpw ketido oh iang ira ketket kohla, ahpw ira sohte ese me Sises mwo. E keinemwe rehra dahme ira koasokoasoia oh dahme kahrehda ira mesen pahtouki.

Luk 24:15–17

Ira pwuriamweikihla E sohte wewehki dahme wiawiher. Ira ahpw koasoiahieng Ih duwen Sises. Ira leme me E pahn ketin wia ara Sounkomour, ahpw E sipallahr.

Luk 24:18–21

Ira pil koasoia me lih ekei kolahr ni Eh sousouo, ahpw paliweren Sises solahr mie. Tohnleng kei koasoiahiengehr lihoko me Sises ieias.

Luk 24:21–24

Sises ahpw padahkihong ira dahme iren pwuhk sarawi kan koasoia duwen Sounkomouro. E ketin mahsanih me soukohp akan padahngkier me Sounkomouro pahn pwoula oh pil ehu iasada.

Luk 24:25–27

Ni ansou me irail lella Emaus, e pwongilahr. Tohnpadahk riemen ahpw lukehieng Sises en kommoaldi rehra. Sises ahpw ketidi oh iang ira mwonge. E ketkihda pilawa ehu, kapaiada, oh ketikihong tohnpadahko. Ni ansouohte, ira esehda me Sises mwo. Mwadahngete E pa sohla mie.

Luk 24:29–31

Tohnpadahk riemeno ahpw koasoiahda duwen pepehm kansenamwahu me ira ahniki ni ansou me Sises padpadahkehng ira sang iren pwuhk sarawi kan. Ira ahpw mwadangete pwurala Serusalem pwe ira en ndahieng tohnpadahk teiko me ira kilangehr Sises.

Luk 24:32–35