Soai kan en Pwuhk Sarawi
Sises kapwurehiong Lasarus Mour—“Ngehi me mour sapahl, oh Sounkomour”

Sohn 11:1–46

Sises Kapwurehiong Lasarus Mour

“Ngehi me mour sapahl, oh Sounkomour.”

Mary, Martha, oh Lasarus.

Mery, Marda, oh Lasarus kin Kouson nan kanihmwo ehu adaneki Pedani. Irail kamelele Sises, oh E poakohng irail, Rien Lasarus serepein riemen iei Mery oh Marda.

Sohn 11:1, 5

Lasarus soumwahu da.

Lazarus inenen soumwahuda. Sises ketiket nan pil ehu kanihmw. Mery oh Marda kadaralahng Ih meninkeder pwe En ese me Koampoakepahu soumwahu.

Sohn 11:1–3

Sises masanih me E pahn kapwurehdo Lasarus ong mour.

Sises awih ki rahn riau. Ih eri padahkiong Sapwelime werek kan me re pahn kohla Pedani. Werek ka pwunodiki pwe ekei aramas en Pedeni men kawehla Sises. Ahpw Sises men sewese Lasarus. Sises masanih me Lasarus ahpwtehn mehla, eri E pahn kapwurehiong Ih mour.

Sohn 11:6–16

Marda tuhwong Sises.

Martha tuhwong Sises likin kanihmwo. E koasoia me ma Sises mwadangete, Lasarus sohte pahn mehla. Sises inoukihong me Lasarus pahn pwurehng mourda.

Sohn 11:17–24

Martha koasoiong Sises.

Sises masanih, “Ngehi me mour sapahl, oh Sounkomour.” E idek rehn Marda ma e kamehlele Ih. E kosoia, ”Ih kamehlele me komwi iei Krais, Iehros en Koht.”

Sohn 11:25–27

Marda, Mery, oh Jesus.

Martha Pwurala ni ihmwo oh padahkiong Mery me Sises ketidohr. Mery ahpw kohdo oh pwopwidihong ni aluweluwen Sises ko, sengisengki rie pwutak o. Sises pil sengiseng. E poakohng Lasarus, Mery, oh Marda.

Sohn 11:28–36

Sises ketila ni pwoahr wasa me Lasarus Seridi ie.

Sises, Martha, Mary, oh ekei kohla ni pwoahren paip me Lasarus Seridi ie. Takai lapala ehu perehla ewen pwoahro. Sises masanihongirail en kamwekidasang takaio wasao.

Sohn 11:38–39

Sises peki rehn Marda en kamehlele Ih.

Ahpw Marda padahkiong Sises me Lasarus mehkilahr rahn pahieu. Sises katamanong Marda duwen Sapwellime inouo. E peki Reh en kamehlele.

Sohn 11:39–40

Sises masanihong Lasarus en pidohi do.

Eri Sises kapakap ong Seme. E kalahngankihong Koht ah kin kalapw karonge Ih. Sises kupwurki aramas akan en kamehlele me Koht kadarihdo pwe En wia Sounkomouro. Eri Sises masanih, “Lasarus, pidohi do.”

Sohn 11:41–43

Lasarus aluhieisang nan pwoahro.

Lasarus aluhieisang nan pwoahro. E kidikidkipenete likou oh doaropwe kan me irail kidimkipene oh sarepedi Ih loale. Sises padahkiong aramas ako en kihsang kidikid ko. Pali tohto en aramas akan me iang kilekilang rahno kamehleleda me Sises iei Ih me Sounkomouro, Iehros en Koht.

Sohn 11:44–45