Luk 4:16–31

Sises Kadehde Sapwellimen Doadoahk

Mehn Nasaret Soikala

Sises ketla Nasaret wasa me Ah peneinei oh kempoakehpah kan kousoanie. Iei wasa me E tikida ie. Rahn en Sapad ehu, E ketla ni sinakokehu, wasa me aramas akan kin kohpene oh onopki pwuhk sarawi kan oh kaudokiong Koht.

Luk 4:16–17

Nan sinakokehu, Sises ketda oh wadek iretikitik ehu sang nan pwuhk en Aiseia. Iretikitiko masanih me ehu rahn Sounkomour men pahn ketdo. E pahn lohkiong me semwemweh kan rongamwahuo oh kansensamwahuwhiala arail mohngiong ohla kan. E pahn ketin sewese me maskun kan oh irail kan me medeklahr.

Aiseia 61:1–2; Luk 4:17–19

Sises kaimwsekala sapwellime wadawado oh ketdi. Koaros kilkilang Ih. E masanihong irail me ni rahno, iretikitiko me E wadeko pweidahr mehlel. Ih me Sounkomouro.

Luk 4:21

Aramas en Nasaret inenen pwuriamweikihla dahme Sises masaniho. Ia mwomwen Sises kak wia Sounkomouro? Irail medewe me Ih nein Mary oh Sohsep pwutak, kaidehn Sapwellimen Koht Iehroso. Ohng irail E wiahte nein aramas pwutak.

Luk 4:22

Sises mwangih me aramas ako inengieng Ih en wiahda manaman pwe en kasalehda me Ih me wia Sounkomouro. E padahngki me mwekid kopwuriamwei ohngete irail kan me kamehlele, oh ekei pak Koht kin ketin wiahda mwekid kopwuriamwei ong irail kan me kaidehn mehn isrehl pwehki irail ahneki pwoson laud. Ekei aramas me mihmi nan sinakokehu mwehl pahn Sises.

Luhk 4:23–28

Irail pwakihiei sang nan kanihmwo oh ong pohn kadoken dohlo. Irail men kesedihsang pohn dohlo.

Luk 4:28-29

Ahpw Sises ketketla sang aramas me mwehl ako.

Luk 4:30

Pwehki irail sohte insene Ih en ketket nan Nasaret, Sises ketlahng pil ehu kahnimw pwehn padahk.

Luk 4:31–32