Sises Ketin Kamwahuiala nein Kaun en Sounpeio Laduo—Kaun en Rom men kasalehda pwoson laud

Luk 7:1-10

Sises Ketin Kamwahuiala nein Kaun en Sounpeio Laduo

Kaun en Rom men kasalehda pwoson laud

Kaun en sounpei men kin koukousoan nan Kapernaumw, kanihmw me Sises kalapw padahk ie. E wia kaun en lapalahn pwihn en sounpei kei.

Luk 7:1-2

Nein kaun en sounpeio laduo inenen soumwahu.

Kaun en sounpei menet naineki ladu men me keieu keniken reh. Ladu menet soumwahudahr oh kereniengehr pahn mehla.

Luk 7:2

Kaun en sounpeio peki rehn mehn Suhs kan, en rapakihda Sises.

Mendahte kaun en sounpei menet kaidehn mehn Suhs, e kin rong duwen Sises. E kamehlele me mie ahn Sises manaman en kin wiahda mwekid kowpuriamwei kan. E kadarala ekei kaun en mehn Suhs akan en peki rehn Sises en kohdo oh kamwahuiala nah ladu.

Luk 7:3–4

Ekei aramas ndahng Sises en dehr kohla ni imwen kaun en sounpeio.

Kaun akan ndahng Sises duwen kaun en sounpei menet oh nah laduo. Irail ndahng me kaun en sounpei menet kin kadekong mehn Suhs akan. Sises ahpw tapiadahr ketket kohla ni imwen kaun en sounpeio. Ahpw mwohn ah pahn lella wasao, ekei kempoakepahn kaun en sounpeio kauhdi. Irail ndahieng Ih en dehr kohla nan ihmwo.

Luk 7:4–6

Aramas akan ndahiong Sises me kaun en sounpei meno pepehm me e sohte warohng.

Kempoakepah kan nda me kaun en sounpei meno sohte ahneki pepehm en warohng Sises en ketlong nan imwehu. E kamehlele me Sises kak kamwahuiala nah ladu mendahte ma e doh!

Luk 7:6–8

Sises mahsanih me kaun en sounpei meno ahneki pwoson laud.

Sises ketin pwuriamweikihla pwoson en kaun en sounpei menet. E ketin mahsanih me saikinte kilangada soangen pwoson laud wet.

Luk 7:9

Nein kaun en sounpei meno laduo kehlailda.

Ansou me kempoakepahn kaun en sounpei meno pwurodo ni imwehu, ladu mwahulahr douluhl. Sises kamwahuialahr, duwetehte kaun en sounpeio ah kamehlele me E kak.

Luk 7:10