Soai kan en Pwuhk Sarawi
Sises Ketin Pepdaisla—Kasalehda karasaras en peikiong Koht

Madiu 3

Sises Ketin Pepdaisla

Kasalehda karasaras en peikiong Koht

Kilel en Sohn Soun Pepdais.

Koht poahngokihong Sohn en sewese aramas akan kaunopadahng ketidohn Sises Krais. Sohn padahkiong aramas akan en koluhla oh pepdaisla. Aramas kin ekerki Sohn Soun Pepdais

Madiu 3:1–12

Sises ketla rehn Sohn pwe en pepdais.

Sohn wia sounpadahk manaman men. Aramas tohto kohdo en rong ih oh pepdaisla. Ehu rahn, Sises Kohdo pwe en pepdais.

Madiu 3:5, 13

Sises oh Sohn koaskoasoi pene.

Sohn wewehki me Sises kin peikiong Koht ansou koaros. E sohte anahne en koluhla. Sohn sohte medewe me e konehng pepdaisih Sises. Sohn medemedewe me Sises me pahn pepdaisih ih.

Madiu 3:14

Sohn pepdaisiala Sises.

Sises masanih me E pil anahne pepdais. E kupwurki en peikiong Sapwellimen Semeo kosonned akan koaros. E pil men wia mehn karasaras ong kitail. Sohn pepdaisiala Ih.

Madiu 3:13–15; 2 Nipahi 31:5–7

Sises ketin pepdaisla. Ngehn Sarawi ketdihdo.

Mwurin Sises ah ketdahsang nan pihlo, Ngehn Sarawi ketdiong powe duwehte mwuroi men. Sahm Nanleng mahsendido sang nanleng masanih, “Iet nei pwutak kempoake.” Sahm Nanleng ketin kupwur pereniki Sises.

Madiu 3:16–17