Lēsoni 42
“Lotu Māʻoniʻoní”
Sēmisi
-
Ko e hā e akonaki ʻa Sēmisi kiate kinautolu ʻoku nau “masiva ʻi he potó?” (Vakai, Sēmisi 1:5–6). Naʻe tokoniʻi fēfē ʻa e Palōfita ko Siosefa Sāmitá ʻe he akonaki ko ʻení? (Vakai Hisitōlia ʻo Siosefa Sāmitá 2:11–13). Ko e hā ha meʻa kuó ke aʻusia ʻi haʻo maʻu ha tali ki haʻo lotu?
-
Naʻe akoʻi mai ʻe Sēmisi ʻoku totonu ke tau “fakavave ki he fanongó, pea fakatuotuai ki he leá” (Sēmisi 1:19). Ko e hā ha ngaahi meʻa kuo hoko ʻi hoʻo moʻuí kuó ne fakapapauʻi ai e fakapotopoto ʻo e naʻinaʻi koʻení?
-
Ko e hā ne fakamamafaʻi ʻe Sēmisi ʻoku totonu ke tau fai ke tau fakahoko ai e lotu māʻoniʻoní? (Vakai Sēmisi 1:27). Ko e hā hono ʻuhinga ʻoku hoko ai ʻa e ʻaʻahi mo e tokoni ki he kakai faingataʻaʻiá ko ha konga ʻo e lotu māʻoniʻoní? Ko e hā te tau lava ʻo fai ke tau nofo “taʻe ʻi ai hano mele” ai ʻi māmaní?
Fokotuʻu ki hono Aleaʻi ʻe he Fāmilí
Naʻe pehē ʻe Sēmisi ko e konga ʻo e “lotu māʻoniʻoní” ke tauhi kitautolu ke tau maʻa ʻo “taʻe mele mei he māmaní” (Sēmisi 1:27). Mou aleaʻi ha ngaahi founga ʻe tokoniʻi ai ʻe he akonaki ko ʻení ʻetau moʻui fakaʻahó. ʻI hoʻomou fealēleaʻakí, te ke lava ʻo vakai ki he tohi tufa “Ki Hono Fakamālohia ʻoe Toʻutupú” (34285 900), ʻa ia ʻoku hā ai ha ngaahi akonaki mei he kau Palesitenisī ʻUluakí fekauʻaki mo e founga ke tauhi ai kitautolu ke tau maʻa ʻo “taʻe mele mei māmaní.”