Lēsoni 23
“Pea Hangē Ko ʻEku ʻOfa Kiate Kimoutolú, Ke Mou Feʻofaʻaki Foki Kiate Kimoutolu”
-
ʻI he fakataha mai ʻa Sīsū mo ʻene kau ākongá ki he Kātoanga Lakaatú, naʻe fakafeʻiloaki ai ʻe Sīsū ʻa e ouau ʻo e sākalamēnití (Luke 22:19–20). Ko e hā hono ʻuhinga ʻoku mahuʻinga ai ke tau maʻu ʻa e sākalamēnití ʻi he uike kotoa peé? ʻE anga fēfē haʻo mateuteu fakalaumālie ki muʻa peá ke toki maʻu e sākalamēnití?
-
Ko e hā e folofola ʻa Sīsū ki he kau ʻAposetoló fekauʻaki mo e ʻuhinga ʻo ʻene fufulu honau vaʻé? (Vakai, Sione 13:12–17). Kuo hanga fēfē ʻe haʻo tokoni mo tauhi ʻa e niʻihi kehé ʻo ʻomi kiate koe ha fiefia?
-
Naʻe folofola ʻa Sīsū, “ʻI he meʻá ni ʻe ʻilo ai ʻe he kakai kotoa pē ko ʻeku kau ākonga ʻa kimoutolu, ʻo kapau te mou feʻofaʻaki kiate kimoutolu.” (Sione 13:35). ʻOku fakahaaʻi nai ʻe heʻetau ngaahi tōʻonga ki he kakaí ko ha akonga pe kau muimui kitautolu ʻo Kalaisi? Ko e hā leva ha ngaahi meʻa pau te tau lava ʻo fai ke tau muimui ai ki he sīpinga ʻofa ʻa Kalaisí?
Fokotuʻu ki hono Aleaʻi ʻe he Fāmilí
Kole ki ha mēmipa ʻo e fāmilí ke ne lau e Tokāteline mo e Ngaahi Fuakava 20:7. Mou aleaʻi e ʻuhinga ʻo e mā sākalamēnití. To e kole ki ha mēmipa ʻe taha ʻo e fāmilí ke ne lau e Tokāteline mo e Ngaahi Fuakava 20:79. Mou aleaʻi ʻa e ʻuhinga ʻo e vai sākalamēnití, pea fakatokangaʻi ange ʻoku ʻikai ke tau to e fakaʻaongaʻi he ʻahó ni ʻa e uainé ka ko e vai pē. Fakamatalaʻi ange, ko e taimi ʻoku tau maʻu ai ʻa e sākalamēnití, ʻoku tau palōmesi ai te tau manatuʻi maʻu pe ʻa Sīsū. Mou talanoa fekauʻaki mo ha faʻahinga meʻa ʻe lava ʻe he fāmilí ʻo fai ke tokoni ke nau manatuʻi maʻu ai pē ʻa Sīsū.
Mou hivaʻi fakataha ha foʻi himi sākalamēniti ke hoko ia ko ha konga ʻo e fealēleaʻaki ʻa e fāmilí, mou hivaʻi fakataha ha foʻi himi sākalamēniti.