Lēsoni 37
Sīsū Kalaisi: “Ko e Kamataʻanga mo e Ngataʻanga ʻo e Tuí”
Hepelū
-
Ko e hā kuó ke ʻilokau kia Sīsū Kalaisi mei he Hepelū 1?
-
Ko e hā hono ʻuhinga kuo pau ai ki he tangata ʻokú ne maʻu ʻa e lakanga fakataulaʻeikí ke “ui ʻe he ʻOtuá” kae ʻikai ke ne toʻo “ʻa e ngāue tapú ni kiate iá”?
-
Naʻe ʻoange ʻe Paula ha ngaahi fakatātā lahi ʻo ha kakai ne nau ikunaʻi ha ngaahi meʻa lahi ʻo fakafou ʻi he tui kia Sīsū Kalaisí. Ko hai naʻá ne lau ki aí? (Vakai, Hepelū 11:4–12, 17–34).
-
Naʻe pehē ʻe Paula ʻe hanga ʻe he tuí ʻo tokoniʻi kitautolu ʻi he taimi ʻo e ʻahiʻahí pe faingataʻá (Hepelū 11:32–38). Ko e hā ha ngaahi tāpuaki kehe kuó ke maʻu (pe ko ha taha ʻokú ke ʻiloʻí) ko e tupu mei hoʻo ngāueʻi hoʻo tui kia Sīsū Kalaisí?
Fokotuʻu ki hono Aleaʻi ʻe he Fāmilí
Tō ha tengaʻi ʻakau. Lau ʻa e Hepelū 11:1 mo e ʻAlamā 32:21, peá ke fehuʻi ange pe ʻoku hoko fēfē hono tō ʻo e tengaʻi ʻakaú ko ha ngāue ia ʻo e tuí. Hili iá peá ke lau ʻa e Sēmisi 2:17. Fehuʻi ange pe ko e hā ha ngāue ʻoku fie maʻu ke tokoni ʻi he tupu ʻa e tangaʻi ʻakaú. ʻI he ngaahi uike ka hoko maí, tokangaʻi ʻa e tengaʻi ʻakau kuó ke toó pea toutou vakaiʻi ia ke ke mamata ki he founga ʻoku tokoni ai hoʻo ngāué mo hoʻo tuí ki heʻene tupú.
Ke hoko ko ha konga ʻo hoʻomou fealēleaʻaki fakafāmilí, haʻamou hivaʻi fakataha ʻa e “Tuí” (Tohi Hiva ʻa e Fānaú, 96–97).