Lēsoni 40
“ʻOku ou Faʻa Fai ʻa e Ngaahi Meʻa Kotoa Pē ʻia Kalaisi”
Filipai, Kolose, Filimone
-
Te tau lava fēfē ʻo fakahoko ʻa e naʻinaʻi ʻa Paula ʻi he Filipai 4:8 (vakai foki ki he Ngaahi Tefito ʻo e Tuí 1:13). ʻOku tāpuekina fēfē kitautolu ʻi heʻetau muimui ki he naʻinaʻi ko ʻení?
-
Naʻe ʻuhinga ki he hā ʻa Paula ʻi heʻene akonaki ki he kakai Kolosé ke nau “tuʻu maʻu ʻo aka ʻi he tuí mo tuʻu fakamakatuʻu” ʻi he ongoongoleleí? (Vakai, Kolose 1:23). Ko e hā ha ʻuhinga ʻoku hiki ai ha kakai ʻe niʻihi “mei he ʻamanaki lelei ʻo e ongoongoleleí”? (Kolose 1:23). Ko e hā te tau fai ke fakamālohia ai ʻetau fakamoʻoní?
-
Ne toutou fakamamafaʻi ʻe Paula ʻa hono mahuʻinga ʻo e loto-fakafetaʻí? (Kolose 2:7; 3:15, 17). Ko e hā hono ʻuhinga ʻoku mahuʻinga ai ke tau faʻa fakafetaʻi? Te tau fakahā fēfē ʻetau houngaʻia ki he Tamai Hēvaní mo e Fakamoʻuí?
Fokotuʻu ki hono Aleaʻi ʻe he Fāmilí
Hiki ʻa e Tefito ʻo e Tui hono hongofulu mā tolú ʻi ha palakipoe, kaatipooti pe ko ha lauʻi pepa. Fekau e fāmilí ke nau lau fakataha ʻa e tefito ʻo e tuí. ʻI he taimi kotoa pē ʻe lau ai ʻa e ngaahi kupuʻi lea ko ʻení, hanga ʻo ʻufiʻufiʻi pe tamateʻi ha foʻi lea mahuʻinga. Fekau ki he fāmilí ke nau hokohoko atu hono lau ʻo e ngaahi kupuʻi leá kae ʻoua leva kuo nau lau maʻuloto ia.
ʻAi ke hoko ko ha konga ʻo e fealēleaʻaki ʻa e fāmilí, haʻamou hivaʻi fakataha ʻa e “Ko e Tefito ʻo e Tuí ʻE Hongofulu Mā Tolú” (Tohi Hiva ʻa e Fānaú 132–33).