Lautohi Faka-Sāpaté: Tokāteline ʻo e Ongoongoleleí
Lēsoni 33: ‘Ko e Faletapu ʻo e ʻOtuá ʻa Kimoutolu ‘

Lēsoni 33

“Ko e Faletapu ʻo e ʻOtuá ʻa Kimoutolu “

1 Kolinitō 1–6

  • Ko e hā ha palōpalema ne lave ki ai ʻa Paula ʻi he 1 Kolinitō 1:10–13? HʻOku uesia fēfē ʻe he māvahevahé mo e fakakikihí ʻetau feohi ʻi heʻetau hoko ko e kau ākonga ʻa Kalaisí? (Vakai Mōsaia 18:21–22; 3 Nīfai 11:29–30; T&F 38:27). Ko e hā ne naʻinaʻi ʻa Paula ki he kāingalotú ke nau fai ke nau toe uouangataha ange aí? (Vakai, 1 Kolinitō 1:10).

  • Naʻe akoʻi ʻe Paula ʻe hanga ʻe he poto ʻo e ʻOtuá ʻo “fakangalivaleʻi” ʻa e poto ʻo e māmaní (1 Kolinitō 1:18–21). ʻOku kehe fēfē ʻa e poto ʻo e ʻOtuá mei he poto ʻo e māmaní? (Vakai, ʻĪsaia 55:8–9; T&F 38:1–2). Ko e hā ha ngaahi sīpinga ʻo hano fakangalivaleʻi ʻe he poto ʻo e ʻOtuá ʻa e poto ʻo e māmaní? Te tau lava fēfē ʻo ʻilo ʻa e “ngaahi meʻa ʻa e ʻOtuá”? (Vakai, 1 Kolinito 2:10–13.)

  • Ko e hā ne fakatatau ki ai ʻe Paula hotau ngaahi sinó? (Vakai, 1 Kolinitō 3:16–17; 6:19–20). Ko e hā ʻoku totonu ke tau fai ke tauhi ai hotau ngaahi sinó ke hangē ha temipalé? Ko e hā ha ngaahi tāpuaki ʻo e moʻui maʻá?

Fokotuʻu ki hono Aleaʻi ʻe he Fāmilí

Fakamatalaʻi ange naʻe faʻa fetuʻutaki ʻa Paula mo e kāingalotu ʻo e Siasí ʻaki haʻane ʻave ha ngaahi tohi pe ngaahi pōpoaki fakalaumālie kiate kinautolu. Mou aleaʻi ha ngaahi founga ʻoku fetuʻutaki ai ʻa e kau palōfitá, kau ʻāposetoló mo ha kau taki kehe ʻo e Siasí, mo kitautolu he ʻahó ni. Mou lau fakafāmili ha lea mei he Tūhulú pe ko ha makasini kehe ʻa e Siasí. Mou aleaʻi ha founga ʻe lava ke mou fakahoko ai hono ngaahi pōpoakí.

Folofola Fekauʻaki mo Iá: Moʻui Angamaʻa