Lēsoni 17
“Ko e hā Te u Fai Ke u Maʻu Ai e Moʻui Taʻengatá?”
-
Ko e hā ha ngaahi tāpuaki ʻoku mahuʻinga ange ʻi he koloa fakaemāmaní? (Vakai, Luke 12:31–34; T&F 6:7 ki ha niʻihi ʻo e ngaahi sīpingá.)
-
Ko e hā hono ʻuhinga ʻoku tuku ai ʻe ha niʻihi tokolahi honau lotó ʻi he koloa fakamāmaní neongo ʻenau ʻiloʻi ko e meʻa fakataimi pē ia? Te tau fakapapauʻi fēfē ʻoku ʻikai ke tau fuʻu tokanga ki he koloa fakamāmaní?
-
Ko e hā ha meʻa kuo kole atu ai ʻe he ʻEikí kiate koe ke ke feilaulauʻi? Kuo tāpuekina fēfē koe ʻi haʻo fakahoko ʻa e ngaahi feilaulau ko iá?
Fokotuʻu ki hono Aleaʻi ʻe he Fāmilí
Tuku ha ngaahi tohi tapu ʻi ha tuliki ʻo e lokí pea ʻave mo ha paʻanga ki ha tuliki ʻe taha. Kole ki ha mēmipa ʻo e fāmilí ke ne feinga ke lue hangatonu ki he ngaahi folofolá, ka ne siofi he taimi tatau pē ʻa e paʻangá. Kapau ʻoku faingataʻa ke ne aʻu ki he folofolá, peá ke fehuʻi ange pe ko e hā ʻoku faingataʻa aí. Kapau ʻe lava ʻo aʻu ki he folofolá, peá ke fehuʻi ange pe ko e hā hano 1ōloa ʻene lue taʻe toe mavahe mei he laine hangatonú. Lau ʻa e Maʻake 10:17–24, peá ke fakamatala ange he ʻikai ke tau lava ʻo hū ki he puleʻanga ʻo e ʻOtuá (fakafofongaʻi ia ʻe he folofolá) kapau ʻe tuku ʻetau tokangá ʻi he ngaahi koloa fakaemāmaní (fakafofongaʻi ia ʻe he paʻangá). Mou aleaʻi ha founga te mou fakalakalaka pea mo tauhi maʻu ai ʻa e ngaahi ʻulungaanga totonu fekauʻaki mo e ngaahi koloa fakaemāmaní.