Lautohi Faka-Sāpaté: Tokāteline ʻo e Ongoongoleleí
Lēsoni 5: ‘Fanauʻi Foʻoú’

Lēsoni 5

“Fanauʻi Foʻoú”

Sione 3–4

  • Naʻe fakahā ʻe Sīsū kia Nikotīmasi “kapau ʻe ʻikai fanauʻi foʻou ha tangata, ʻe ʻikai ʻaupito mamata ia ki he puleʻanga ʻo e ʻOtuá” (Sione 3:3). ʻOku ʻuhinga ki he hā ʻa e fanauʻi foʻoú? (Vakai ki he Folofola Fekauʻaki mo Iá ʻi he konga ko ʻení.)

  • Lau mo fakalaulauloto ki he ʻAlamā 5:14–31 ʻo hangē pē ʻoku lea atu ʻa ʻAlamā kiate koé. Ko e hā ʻe fie maʻu ke ke fai fakafoʻituitui ke “fanauʻi fakalaumālie [ai] ʻa kimoutolu ʻi he ʻOtuá”? (ʻAlamā 5:14).

  • Naʻe fakahā ʻe Sīsū ki he fefine Sāmeliá te ne lava ʻo ʻoange kiate ia ʻa e “vai moʻuí” (Sione 4:10). ʻOku ʻuhinga ki he hā ʻa e “vai moʻuí?” (Vakai, 1 Nīfai 11:25; T&F 63:23.) Te tau maʻu fēfē ʻa e vai moʻuí? Kuo tāpuekina fēfeeʻi koe ʻe he vai moʻui ko ʻení?

Fokotuʻu ki hono Aleaʻi ʻe he Fāmilí

ʻOange ke takitaha ʻa e kau mēmipa ʻo e kalasí ha ipu sioʻata. Lingi ha vai ki he ipú takitaha, peá ke fakaafeʻi kinautolu ke nau inu ʻa e vaí. Fehuʻi ki he fāmilí pe ʻoku nau fakakaukau te nau toe fie maʻu ke nau toe inu. Hili iá peá ke lau ʻa e Sione 4:1–15, pea mou aleaʻi ʻa e ngaahi fehuʻi ʻoku hā ʻi he palakalafi hono tolu ʻo e konga ko ʻení. Fakamoʻoniʻi ange kapau te tau haʻu kia Kalaisi pea moʻuiʻaki ʻene ongoongoleleí, te tau maʻu ʻa e “ moʻui taʻe ngatá” (Sione 4:14).

Folofola Fekauʻaki mo Iá: “Fanauʻi Foʻoú”