1880–1886

Lix matk’ li xDesideria

B’eresinb’ileb’ xb’aan li Qaawa’ aran Mexico

Li xDesideria Yañez kiwan rochoch aran Nopala, Mexico. Sa’ jun q’ojyin, li xDesideria kiwan jun xmatk’ chirix jun ch’ina hu li yoo chi k’uub’amank sa’ li tenamit Mexico. Voz de amonestación xk’ab’a’ li hu. Naq li xDesideria ki’aj, kixnaw naq tento tixtaw li hu a’an.

Santos, 2:477

A’b’an li tenamit Mexico jwal najt wan ut li xDesideria ak cheek chik re xik chi jwal najt. Kireek’a naq li Qaawa’ kiraj naq tixtaw li hu a’an. Jo’kan naq kixseraq’i lix matk’ re laj Jose, li ralal. A’an naxpaab’ ajwi’ naq li hu aajel ru. Kixye re lix na’ naq tixtaw a’an.

Santos, 2:478

Naq laj Jose nawulak sa’ li tenamit Mexico, nujenaqeb’ li kristiaan sa’ li b’e ut wan naab’al li choqink. Chan raj ru tixtaw li hu sa’ jun na’ajej nujenaq rik’ineb’ kristiaan?

Santos, 2:478

Chirix wiib’ oxib’ kutan, laj Jose kixnaw ru jun misioneer aj James Stewart xk’ab’a’. Laj James kixye naq yoo chi k’anjelak re risinkil jun hu li k’ab’a’inb’il Voz de amonestación.

Santos, 2:478

K’a’jo’ naq kisaho’ xch’ool laj Jose. Kixseraq’i lix matk’ lix na’ re laj James. Laj James kixch’olob’ naq eb’ li misioneer te’roksi li hu Voz de amonestación re xtzolb’aleb’ li kristiaan chirix li Jesukristo ut chirix jun ak’ loq’laj hu, a’ lix Hu laj Mormon.

Santos, 2:478

Li hu Voz de amonestación toj maji’ nachoyman xyiib’ankil ut lix Hu laj Mormon toj maji’ jaltesinb’il ru sa’ Kastiiy. A’b’anan, laj James kixk’e re laj Jose jun siir chik li tasal hu ut li hu re xtenq’ankil a’an ut lix na’ chi tzolok chirix li Jesukristo, lix Hu laj Mormon, ut li Iglees k’ojob’anb’il wi’chik.

Tzol’leb’ ut Sumwank 90:11; Santos, 2:478–79

Laj Jose kixseeb’a rib’ chi sutq’iik sa’ kab’l rik’in lix na’. Ke’tzolok sa’ junajil chirix li evangelio ut ke’xnaw naq tz’aqal yaal. Li xDesideria kixpatz’ naq taakub’siiq xha’ xb’aaneb’ li misioneer.

Santos, 2:479

Li xDesideria a’an jun reheb’ li xb’een li ixq li ke’kub’e xha’ aran Mexico. Laj Jose ut lix rab’in ke’kub’e ajwi’ xha’.

Santos, 2:479

Naq li hu Voz de amonestación kichoye’ xyiib’ankil, laj Jose kixtaw lajeeb’ reetalil li hu a’an re naq lix na’ tixwotz rik’ineb’ jalan chik kristian aran Nopala. K’iila chihab’ chik, naq ki’isiik lix Hu laj Mormon sa’ Kastiiy, li xDesideria a’an li xb’een kixk’ul jun li re aran Mexico. Kixnaw naq li Qaawa’ kixk’am xb’e a’an sa’ lix Iglees li k’ojob’anb’il wi’chik.

Tzol’leb’ ut Sumwank 88:81; Santos, 2:479