Eb’ li seraq’ sa’eb’ li loq’laj hu
Jun k’utb’esinb’il na’leb’ choq’ re li xEmma

“Jun k’utb’esinb’il na’leb’ choq’ re li xEmma,” Eb’ li Seraq’ sa’ li Tzol’leb’ ut Sumwank (2024)

“Jun k’utb’esinb’il na’leb’ choq’ re li xEmma,” Eb’ li Seraq’ sa’ li Tzol’leb’ ut Sumwank

Julio re 1830

Jun k’utb’esinb’il na’leb’ choq’ re li xEmma

Sik’b’il ru xb’aan li Qaawa’ re xk’eeb’al chi uxmank lix k’anjel

Laj Jose naxchaq’rab’i rib’ rik’in li xEmma rik’in li ruq’.

Lix yu’am li xEmma ut laj Jose yoo chi jalaak sa’ junpaat. Li Qaawa’ kixye re laj Jose naq tento tixkanab’ xk’eeb’al xch’ool sa’ xk’anjelankil li ch’och’. Sa’ xna’aj a’an, laj Jose tento b’an tixk’e lix hoonal chixtzolb’aleb’ li kristiaan chirix li Jesukristo ut chi tenq’ank chixk’eeb’al chi k’iik lix Iglees li Qaawa’.

Tzol’leb’ ut Sumwank 24:7–9; Santos, 1:96

Li xEmma na’ilok chiru li ventaan naq naxik laj Jose.

Li xEmma kiwan naab’al xpatz’om chirix li jalok a’in. A’an ink’a’ naxnaw k’a’ raj ru tixb’aanu naq laj Jose nak’anjelak chiru li Qaawa’. Ma tixtenq’a ajwi’ li Qaawa’ ut lix Iglees?

Santos, 1:96

Li xEmma ut laj Jose neke’se’ek.

Li Qaawa’ ki’aatinak rik’in li xEmma sa’ jun k’utb’esinb’il na’leb’ kik’eeman re laj Jose. “Emma Smith, lin rab’in” chan re. Kixye re li xEmma naq kisik’e’ ru ut kib’oqe’ chixk’eeb’al chi uxmank lix k’anjel. A’an jun chaab’il ixq ut wan xninqal ru xk’anjel li Qaawa’ choq’ re a’an.

Tzol’leb’ ut Sumwank 25:1–3

Li xEmma naxwotz li evangelio.

Li Qaawa’ kixpatz’ re li xEmma naq taaxik chirix laj Jose. Li Qaawa’ kixye naq li xEmma tixch’olob’eb’ li loq’laj hu ut tixtzoleb’ li komon sa’ li Iglees. Kixye re li xEmma naq tixk’e a’an sa’ xb’een na’ajej sa’ lix yu’am ut naq taaroxloq’iheb’ lix sumwank. Kixyeechi’i re li xEmma naq lix Musiq’ a’an taawanq rik’in. A’an kiraj naq taatzoloq, naq taachaab’ilo’q, ut naq tixk’uleb’ li rosob’tesihom.

Tzolʼlebʼ ut Sumwank 25:2, 6–10, 15

Li xEmma naxb’eresi jun li b’ich sa’ jun li ch’utam sa’ li Iglees.

Li Qaawa’ kixye re li xEmma naq nawulak chiru rab’inkileb’ li ralal xk’ajol chi b’ichank. Kixye naq lix b’icheb’ laj santil paab’anel chanchaneb’ li tij choq’ re a’an. Kixpatz’ re li xEmma naq tixk’uub’ jun li b’ichleb’aal te’roksi laj santil paab’anel naq te’b’ichanq. Li xEmma kixtaweb’ naab’al li xchaq’al ru b’ich chirix li Qaawa’ ut lix evangelio ut kixk’eheb’ a’an sa’ li b’ichleb’aal.

Tzol’leb’ ut Sumwank 25:11–12; Santos, 1:221–22

Li xEmma ut laj Jose neke’xk’e xsahileb’ xch’ool li rech kab’al.

Lix yu’am li xEmma ut laj Jose toj yoo chi jalaak, a’b’an li xEmma naxnaw naq narahe’ xb’aan li Qaawa’ ut naq wan jun li rajom a’an choq’ re. Kik’anjelak chiru li Qaawa’ ut chiruheb’ li kristiaan wankeb’ sa’ xsutam. A’an kixtenq’a chi k’iik lix Iglees li Jesus.

Tzol’leb’ ut Sumwank 25:13–15; Santos, 1:221–23