Noviembre re 1830

Li xLucy Morley ut lix junkab’al

Naab’al neke’paab’an ut neke’kub’e xha’

Sa’ jun kutan, li xLucy Morley, o’laju chihab’ wan re, yoo chixtenq’ankil li rech kab’al, li xAbigail Daniels, chi kemok. Naq yookeb’ chi k’anjelak, ke’rab’i naq neke’xtoch’ li okeb’aal. A’aneb’ oxib’ li misioneer. Li xAbigail kixk’eheb’ chi ok. Ke’xye naq ke’taqlaak xb’aan li Jesukristo chixwotzb’al jun esil.

Santos, 1:102–103

Eb’ li winq ke’xye re li xAbigail ut li xLucy naq li Jesus kixb’oq laj Jose Smith chi wank jo’ profeet. Ke’raatinaheb’ ajwi’ chirix lix Hu laj Mormon.

Santos, 1:103

Ink’a’ naxk’oxla li xLucy, a’b’an li xAbigail kijosq’o’. Kirisiheb’ li misioneer sa’ li rochoch.

Santos, 1:103

Li xLucy kixnaw naq eb’ li misioneer a’an, a’aneb’ xmoos li Dios. Kixye reheb’ naq te’rula’ani lix junkab’al moqon. “Lin yuwa’ wan rochoch wiib’ kiloom xnajtil arin,” chan. “Ayuqex aran ut te’xch’oolaniiq ut texk’ule’q.”

Santos, 1:103–104

Yaal li kixye li xLucy. Eb’ li misioneer ke’tzekan chi chaab’il sa’ lix na’aj li junkab’al Morley. Lix na’ xyuwa’ li xLucy ramiiweb’ laj Sidney Rigdon. Ke’xpaab’ naq li Jesus naraj naq te’xwotz chixjunil li k’a’ru wan reheb’ rik’ineb’ li ras riitz’in. Ke’xb’oqeb’ li misioneer chi aatinak rik’ineb’ a’an ut rik’ineb’ li ramiiw.

Santos, 1:104

Chiru li q’ojyin a’an, maare tuqtu q’ojyin, wuqlaju li kristiaan ke’kub’e xha’. Chiruheb’ chik li kutan ke’chal, 50 chik li kristiaan ke’wulak sa’ lix ch’och’eb’ laj Morley chirab’inkileb’ li misioneer, li ke’xpatz’ naq te’kub’siiq xha’. Toj reetal li xAbigail Daniels, li ramiiw li xLucy, kixjal xk’a’uxl chirixeb’ li misioneer. A’an ut lix b’eelom ke’ok sa’ li Iglees.

Santos, 1:105; Tzol’leb’ ut Sumwank 20:25, 37