Na’leb’ chirix li Tzol’leb’ ut Sumwank

“Na’leb’ chirix li Tzol’leb’ ut Sumwank,” Eb’ li Seraq’ sa’ li Tzol’leb’ ut Sumwank (2024)

“Na’leb’ chirix li Tzol’leb’ ut Sumwank,” Eb’ li Seraq’ sa’ li Tzol’leb’ ut Sumwank

Xtikib’ankil

Na’leb’ chirix li Tzol’leb’ ut Sumwank

Li Qaawa’ na’aatinak wi’chik

Li Jesukristo naxk’utb’esi rib’ chiruheb’ li kristiaan sa’ li ch’och’ America

Li qaChoxahil Yuwa’ nokoxra. A’an naraj naq too’ok sa’ sumwank, malaj yeechi’ink, rik’in a’an re naq taaruuq chiqosob’tesinkil. A’an kixtaqla chaq li Jesukristo, li Ralal, re naq a’anaq li qaKolonel ut li taatenq’anq qe chi sutq’iik rik’in a’an.

Jun najteril profeet natz’iib’an chiru jun b’otb’ookil hu.

Li Dios naxtaqlaheb’ ajwi’ chaq profeet re qatzolb’al chirix li Jesukristo ut lix taqlahom. Eb’ li profeet neke’k’anjelak chiru li Jesukristo ut neke’tenq’an chixb’eresinkil lix Iglees.

Laj Moises naxchap sa’ ruq’ li Lajeeb’ chi Taqlahom.

Li Jesus naxye reheb’ li profeet li k’a’ru tento te’xk’ut chiqu. Li raatineb’ li najteril profeet tz’iib’anb’ileb’ sa’eb’ li loq’laj hu jo’ li Santil Hu ut lix Hu laj Mormon.

Laj Jose Smith naxpatz’ rib’ b’ar wan li paab’aal li tento raj tixtaaqe.

Chiru k’iila chihab’ chirix naq li Jesus kiwan sa’ li ruchich’och’, moko ke’wan ta li profeet. Li kristiaan moko ke’wan ta chi moko ke’ok ta sa’ sumwank rik’in li Dios. Lix Iglees li Jesukristo moko wan ta saʼ li ruchichʼochʼ.

Li qaChoxahil Yuwaʼ ut li Jesukristo keʼxkʼut ribʼ chiru laj Jose Smith.

Jo’kan ut naq li Qaawa’ kixb’oq laj Jose Smith re naq taawanq choq’ profeet. Laj Jose a’an yal jun saaj, a’b’an li Dios kixk’e jun aajel ruhil k’anjel re a’an.

Eb’ li kristiaan neke’xwaklesi li ruq’ re xxaqab’ankil xwankil xk’anjel laj Jose ut laj Oliver jo’ aj jolominel sa’ li Iglees.

Laj Jose Smith kik’utuk chirix li Jesus. Kitenq’an chixk’ojob’ankil lix Iglees li Jesus. Li Jesus kixk’ut lix evangelio chiru laj Jose Smith ut chan ru naq tixb’eresi lix Iglees.

Jun junkab’al naril li Tzol’leb’ ut Sumwank.

Naab’al re li k’a’ru kixye li Jesus re laj Jose Smith tz’iib’anb’il sa’ li Tzol’leb’ ut Sumwank. Li Tzol’leb’ ut Sumwank a’an jun loq’laj hu jo’ li Santil Hu ut lix Hu laj Mormon.

Jun jalam-uuch li naxk’utb’esi chan ru naq eb’ li kristiaan neke’toch’e’ xb’aan li Tzol’leb’ ut Sumwank.

Eb’ li Seraq’ sa’ li Tzol’leb’ ut Sumwank naxseraq’i chan ru naq li Jesus kixk’am wi’chik chaq, malaj kixk’ojob’ wi’chik, lix Iglees, rik’in xtenq’ li profeet aj Jose Smith ut wankeb’ chik xkomon li kristiaan. Aj santil paab’anel nayeeman reheb’ li komon sa’ lix Iglees li Jesukristo. Eb’ li seraq’ a’an naxk’ut naq li Dios naxraheb’ li ralal xk’ajol sa’ chixjunil li ruchich’och’. Li Dios naraj qosob’tesinkil naq noko’ok sa’ sumwank rik’in a’an.