“Parokaramu ni Veivagalalataki mai na Veivakatotogani: E dua na iDusidusi ki na Veivagalalataki mai na Veivakatotogani kei na Veivakabulai,” Parokaramu ni Veivagalalataki mai na Veivakatotogani: E dua na iDusidusi ki na Veivagalalataki mai na Veivakatotogani kei na Veivakabulai (2005), i– ii

“E dua na iDusidusi ki na Veivagalalataki mai na Veivakatotogani kei na Veivakabulai,” Parokaramu ni Veivagalalataki mai na Veivakatotogani, i–ii

Parokaramu ni Veivagalalataki mai na Veivakatotogani

E dua na iDusidusi ki na Veivagalalataki mai na Veivakatotogani kei na Veivakabulai

Vakarautaka na
Qaravi ni Matavuvale ni YDE

Tabaka na
Lotu i Jisu Karisito ni Yalododonu Edaidai
Salt Lake City, Utah

Na Parokaramu ni Qaravi ni Matavuvale ni YDE na Veivagalalataki mai na Veivakatotogani, e vakayagataka na Tinikarua na iKalawa taumada ni Alcoholics Anonymous World Services, Inc. me dua nai vakasokumuni ni ivunau, ivakavuvuli, kei na vakabauta ni Lotu i Jisu Karisito ni Yalododonu Edaidai. Na Tinikarua na iKalawa taumada era sa tuvai koto e ra, kei na Tinikarua na iKalawa me vaka e vakayagataki ena parokaramu oqo ena laurai ena tabana e iv.

Na Tinikarua na iKalawa sa tabaki tale ka taurivaki ena veivakadonui ni Alcoholics Anonymous World Services, Inc. (A.A.W.S.) Na veivakadonui me tabaki tale ka taurivaki na Tinikarua na iKalawa e sega ni kena ibalebale ni A.A.W.S. sa dikeva se duavata kei na lewe ni ivolatabaki oqo, se na A.A.W.S. e duavata kei na ivakarau ni rai e vakaraitaki koto kina. A.A. e dua na parokaramu ni veivagalalataki mai na wainivei vakamatenitaki walega—na vakayagataki ni Tinikarua na iKalawa ka sema vata kei na parokaramu kei na itaviqaravi ka vakadadamuria na A.A., ka wali kina na leqa tale e so, se e duatani tale ka sega ni salavata kei na A.A. ena kena inaki, e sega ni rau veisaqasaqa. Me kena ikuri, na A.A. e dua na parokaramu vakayalo, na A.A.e sega ni parokaramu vakalotu. O koya gona, na A.A. e sega ni ravi se sema ki na dua na lotu, taba ni lotu, se vakatabakidua kina dua na vakabauta vakalotu.

Na Tinikarua na iKalawa ni Vueti mai me kua ni Daumateni

Keimami vakadinadinata ni keimami sa malumalumu ena wainivei vakamatenitaki—sa yaco na neimami bula me keimami sega ni lewa rawa.
Sa mai vakabauta kina ni dua na kaukauwa e levu cake mai vei keimami e rawa ni vakalesui keimami tale ki na bula vinaka.
Cakava e dua na vakatulewa me solia na lomai keimami kei na neimami bula ki na veimaroroi ni Kalou me vaka na neimami kilai Koya.
Cakava e dua na veiilovi ena yalo e sega ni rere baleta nai tovo ni neimami bula savasava vakaikeimami.
Talaucaka vua na Kalou, ki vei keimami, ka vua tale edua na tamata nai tuvaki dina ni neimami cakacala.
Ka tuvakarau me kauta laivi na Kalou nai tuvaki ca kece ni itovo ni bula oqo.
Kerei Koya ena yalomalumalumu me kauta laivi na neimami cakacala.
Cakava e dua na lisi ni tamata kece keimami a vakamavotaki ira, ka lomasoli me sausaumi lesu vei ira kecega.
Sausaumi lesu vakadodonu vei ira na tamata oqori ke rawa, vakavo ga ke vakayacori vakakina e na veivakacacani vei ira se so tale.
Tomana tikoga na dau dikevi ni bula yadudua ka ena gauna keimami cala kina me tukuna sara vakatotolo.
Vakasaqara ena masu kei na vakanananu vakatitobu me vakatorocaketaki na neimami kidava tiko na veitaratara vata kei na Kalou me vaka keimami sa kilai Koya, ka masu me baleta ga na kilai Ni lomana me baleti keimami kei na kaukauwa me vakayacori kina.
Ni sa yaco mai na veivakayadrati vakayalo ena vuku ni vei iKalawa oqo, keimami sa tovolea me kauta na itukutuku oqo vei ira na daumateni, ka vakayacora na ivakavuvuli oqo ena veitiki ni neimami bula kece sara.

Alcoholics Anonymous World Services, Inc.^®

Vakadonui me vaka-Valagi: 6/02