“O A Mea Ua Aoao Mai e Tusitusiga a Isaia ia te A’u e uiga ia Iesu Keriso?,” Liahona, Sete. 2022.
Sau, Mulimuli Mai ia te Au
O A Mea Ua Aoao Mai e Tusitusiga a Isaia ia te A’u e uiga ia Iesu Keriso?
Na tusia pe tusa o le 2,700 tausaga ua mavae, o upu a Isaia e mafai i nisi taimi ona foliga lofituina pe fenumiai ia i tatou. Ae peitai, o le faitau mai le tusi a Isaia o se tasi lea o auala sili ona lelei e mafai ona tatou aoao atili ai e uiga ia Iesu Keriso. Na sii mai e Nifae ia Isaia ina ia mafai ai ona ia “faatauanau atili atoatoa [sa Nifae] ia talitonu i le Alii lo latou Togiola” (1 Nifae 19:23). Ina ia malamalama atili ia Isaia, taumafai e taulai atu au suesuega i aoaoga a Isaia e uiga i le Faaola.
Vaavaai mo tali i fesili nei a o e suesue i mataupu nei:
-
E faapefea ona suitulaga Eliakimo ia Iesu Keriso? (Tagai Isaia 22:20–25.)
-
O le a le mea o le a faia e Keriso mo i tatou i le Toetutu? (Tagai Isaia 25:8.)
-
E faapefea ona aoao e Keriso Lona nuu? (Tagai i le Isaia 28:10.)
-
O faapefea ona faamatalaina e Isaia le Toefuataiga o le talalelei a Iesu Keriso i aso e gata ai? (Tagai Isaia 29:14.)
-
O le a faape’i pe a toe afio mai Keriso? (Tagai Isaia 35:10.)
“Na talanoa soo mai Isaia e uiga i le faamalologa, ma le toafilemu o faatosinaga a le Alii. … E faamalolo Lona Agaga; e na te faaleleia; e na te faamafanafana; e na te manavaina se ola fou i loto ua leai se faamoemoe. Ua i ai le mana e na te suia ai mea uma e matagā ma matautia ma e lē aogā i le olaga i se mea silisili ona matagofie ma mamalu. Ua ia te Ia le mana e faaliliu ai le lefulefu o le olaga nei i le matagofie o le faavavau” (Tad R. Callister, The Infinite Atonement [2000], 206–7).