“O Le A Le Mea Na Aoao Mai e Isaia e uiga i le Faapotopotoina o Isaraelu?,” Liahona, Sete. 2022.
Sau, Mulimuli Mai ia te Au
O Le a Le Mea Na Aoao Mai e Isaia e uiga i le Faapotopotoina o Isaraelu?
O Se Vaaiga i le Aai o Sate Leki, saunia e James Taylor Harwood
Sa faaaoga e Isaia faatusa e aoao atu ai e uiga i le faapotopotoina o Isaraelu. Mafaufau i le mau lenei: “E faatuina foi e ia le tagavai mo nuu ese, ma faapotopotoina e ua tulia o Isaraelu, ma aofai e ua faataapeapeina o Iuta i itu e fa o le lalolagi” (11:12).
O le tagāvai o se fu‘a po o se faailo. Na faasoa mai e Elder Jeffrey R. Holland o le Korama a Aposetolo e Toasefululua le tala i le ala na fatuina ai e taitai o le Ekalesia i le vaitau o paionia se tagāvai, o se “fu‘a tumau, e folafola atu ai le vanu Tele o Sate Leki ma mauga o loo siomia ai e pei o lena nofoaga na valoia lea o le a oo mai ai le afioga a le Alii i aso e gata ai.”1
O a isi faatusa ma malamalamaaga e faatatau i le faataapeapeina ma le faapotopotoina o Isaraelu e mafai ona e maua i le Isaia mataupu e 2, 5, ma le 11?
Na faapefea ona fesoasoani lo tatou perofeta o aso nei ia i tatou ia malamalama atili i le faapotopotoina o Isaraelu?
E mafai ona fesoasoani le suesue i mea na saunoa i ai perofeta o aso nei e uiga i aoaoga a Isaia ma le faapotopotoina o Isaraelu. Mafaufau e vaavaai i se tasi o nei lauga o le konafesi aoao mai ia Peresitene Russell M. Nelson ma lisi ni auala e mafai ona e fesoasoani ai e faapotopoto Isaraelu:
-
“Amuia ē Faatupuina le Filemu,” Liahona, Nov. 2002, 39–42
-
“O Le Faapotopotoina o Isaraelu ua Faataapeapeina,” Liahona, Nov. 2006, 79–82
-
“Ia Faamuamua le Atua,” Liahona, Nov. 2020, 92–95