“O Le A Se Mea e Mafai Ona Tatou Faia e “Ua’i ai [o Tatou] Taliga i le Poto’?,” Liahona, Sete. 2022.
Sau, Mulimuli Mai ia te Au
O Le A Se Mea e Mafai Ona Tatou Faia e “Ua’i ai [o Tatou] Taliga i le Poto”?
Faatasi ai ma le tele o faamatalaga sese i le lalolagi, e mafai ona faigata ai ona faavasega mea uma ma maua upumoni e faavavau. E silafia e le Tama Faalelagi lenei mea, ma Na te silafia o le toatele o Ana fanau o loo sailia ni tali. O le mea e faafetai ai, o le tele o tali i fesili aupito sili ona faigata o le olaga e mafai ona maua i tusitusiga paia, i lauga o konafesi aoao, po o faaaliga faaletagata lava ia. O le a lē taitaiseseina lava i tatou e le Tama Faalelagi.
Gaoioiga
I le Faataoto, e masani ona tatou faitau ai e uiga i le poto. Faitau taitoatasi pe i se kulupu ia mataupu e 2 ma le 3 ma faailoa mai fuaiupu o talanoaina ai auala tatou te sailia ai le poto. Mo se faataitaiga, o le Faataoto 1:5 o loo faapea mai, “E faalogo mai le tagata poto, e tupu ai pea lona poto, o le ua mafaufau foi e maua e ia le poto e pule ai.”