Mo Mātua

Sailia o le Taitaiga Faaleagaga

aiga o loo tatalo

Matua Pelē,

I lenei lomiga o le mekasini, e toatolu le Au Pulega Aoao o faasoa mai aoaoga ma aafiaga faaletagata lava ia ma faaleaiga i le auala e saili, maua, ma mulimuli ai i taitaiga faaleagaga.

Talanoaga o le Talalelei

Faalagolago i a Tatou Molimau

I le itulau e 4, ua faasoa mai ai e Elder Ronald A. Rasband se tala mai lona talafaasolopito o aiga e aoao atu ai le mataupu faavae e faapea o le a lē tuulafoaiina lava i tatou e lo tatou Faaola. Faitau lana tusiga ma talanoa pe na faapefea ona faalagolago le Au Paia anamua ia latou molimau ia Iesu Keriso ma le ata o le faaolataga a le Tama Faalelagi.

Filifili ma le Alii

I le itulau e 30, o loo faamatala ai e Elder Patricio M. Giuffra le ala na ia filifili ai, o se talavou liliu mai i le Ekalesia, e auauna atu i se misiona ma tulituliloaina le aotauina i le kolisi. Ona ia faasoa mai lea o lana tali i le fesili, O le a lau mea e fai pe a feteenai faaaliga faaletagata lava ia ma le faautautaga tatau?

Mauaina o le Taitaiga mai le Agaga

E mafai faapefea ona tatou manuia atoatoa mai le meaalofa o le Agaga Paia i o tatou olaga? Ua sailiili e Elder José A. Teixeira lenei autu i le itulau e 40. Faitau lana tusiga ma talanoa pe faapefea ona maua le tele o le taitaiga mai le Agaga.

Mea Faafiafia Faaleaiga o leSau, Mulimuli Mai ia te A’u

Mafaufau Loloto i le Ala

Faataoto 3-4

1. Tuu se ata o le Faaola i le tasi itu o se nofoaga telē po o se potu.

2. Tu i le isi itu o le potu. Feauauai e fusi mata o tagata taitoatasi o le aiga, faataamilo i latou, ona vaai lea pe mafai ona latou savavali atu i le ata o Iesu Keriso e aunoa ma se fesoasoani.

3. Faitau le Faataoto 4:26–27.

Talanoaga: O a ituaiga fesoasoani ua tuuina mai ia i tatou i lenei olaga e faatumauina ai i tatou i luga o se ala e tau atu ia Iesu Keriso? Mo nisi talanoaga, faitau le Faataoto 3:5–6. O a ni faatinoga e manaomia ona tatou faia e faalagolago ai i le Alii ma o tatou loto atoa?

Na auina mai e Mitzi Schoneman

Mai le Mekasini o le Mo Le Malosi o le Autalavou

O le mekasini a le autalavou i lenei masina o loo faaalia ai tusiga i le auala e mafai ai e le Alii ona fesoasoani ia i tatou i aso nei, le auala na aoaoina ai e se alii talavou ni lesona mai ona mātua, ma Aoaoga a Elder Soares e uiga i le auala e mafai ai e Iesu Keriso ona musuia isi e fesoasoani ia i tatou.

Mai le Mekasini o le Uo

O le Uo o le masina lenei o le a fesoasoani i lau fanau e aoao ai e uiga i aoaoga a Isaia, malamalama pe aisea tatou te faaaoga ai gagana mamā, ma vaai pe na faapefea ona fesoasoani isi tamaiti e faia vitiō o le Tusi a Mamona.