ការជួយដល់ពិភពលោកទាំងមូល
សមាជិកនៃគណៈប្រធានទីមួយ និងកូរ៉ុមនៃពួកសាវកដប់ពីរនាក់បន្តការងារបម្រើរបស់ពួកលោកក្នុងនាមជាព្យាការី អ្នកមើលឆុត និងអ្នកទទួលវិវរណៈ ដោយការធ្វើជាសាក្សីនៅទូទាំងពិភពលោកអំពីការស្តារឡើងវិញនៃដំណឹងល្អ និងពរជ័យ ទាំងឡាយនៃការធ្វើតាមព្រះអង្គសង្រ្គោះ ។ នេះគឺជាកិច្ចការមួយចំនួនដែលពួកលោកសម្រេចបានចាប់តាំងពីសន្និសីទទូទៅលើកមុន ។
សមាជិកនៃគណៈប្រធានទីមួយ
សម្រាប់សេចក្តីសង្ខេបពីការងារបម្រើរបស់ប្រធានរ័សុល អិម ណិលសុន ចាប់តាំងពីសន្និសីទទូទៅលើកមុន សូមមើលទំព័រ ១៣៥ ។
កាលថ្លែងសុន្ទរកថានៅសាកលវិទ្យាល័យរ៉ូម ប្រទេសអ៊ីតាលី ប្រធាន ដាល្លិន អេក អូក ជាទីប្រឹក្សាទីមួយក្នុងគណៈប្រធានទីមួយបានមានប្រសាសន៍ថា សេរីភាពខាងសាសនាបាននាំមកនូវអត្ថប្រយោជន៍ជាច្រើនដល់សង្គម ហើយលោកបានលើកទឹកចិត្តមនុស្សដែលមានជំនឿឲ្យ « ស្វែងរករបៀបនានាដើម្បី រៀនពីគ្នាទៅវិញទៅមក និងពង្រឹងការយល់ដឹងទូទៅដែលជួយយើងទៅវិញទៅមក » ។
សមាជិកនៃកូរ៉ុមនៃពួកសាវកដប់ពីរនាក់
ប្រធាន អិម រ័សុល បាឡឺដ ជាប្រធានស្តីទី និងអែលឌើរ ជែហ្វ្រី អ័រ ហូឡិន និងឃ្វីនថិន អិល ឃុក បានធ្វើការងារបម្រើនៅចក្រភពអង់គ្លេសទាំងមូល ដោយជួបជាមួយពួកអ្នកផ្សព្វផ្សាយសាសនា និងសមាជិកនៃសាសនាចក្រ ។ ពួកលោកទាំងបីនាក់បានបម្រើបេសកកម្មនៅចក្រភពអង់គ្លេស កាលដែលពួកលោកនៅក្មេង ហើយអែលឌើរ ហូឡិន និងអែលឌើរ ឃុក បានធ្វើជាដៃគូនឹងគ្នា ។
អែលឌើរ ដេវីឌ អេ បែដណា បានថ្លែងសុន្ទរកថានៅឯការប្រជុំធម្មនិដ្ឋាននៅយ័រដាន់ ។ នៅសហគមន៍អ៊ីស្លាមអារ៉ាប់ រួម លោកបានជួបជាមួយថ្នាក់ដឹកនាំនៃស្តេក អាប៊ូ ដាប៊ី ហើយបានទៅទស្សនកិច្ចទីតាំង ដែលនឹងសង់ព្រះវិហារបរិសុទ្ធនៅថ្ងៃខាងមុខ ។ នៅ បារ៉ែន លោកបានជួបជាមួយសមាជិកនៃវួដម៉ាណាម៉ា ហើយបានធ្វើការប្រជុំធម្មនិដ្ឋានសម្រាប់យុវវ័យ ។
អែលឌើរ ឌី ថត គ្រីស្តូហ្វឺសិន បានក្លាយជាសាវកដំបូងគេដែលបានទៅទស្សនកិច្ចនៅសាធារណរដ្ឋហ្គាំប៊ី ។ លោកបានជួបជាមួយប្រធានាធិបតី និងស្រ្តីទីមួយ ព្រមទាំងប្រធានាធិបតីស្តីទីនៃសាធារណរដ្ឋ ហើយបានពិភាក្សាកិច្ចខិតខំប្រឹងប្រែងរួមគ្នារវាងសាសនាចក្រ និងមូលនិធិរបស់ស្រ្តីទីមួយ ដើម្បីជួយដល់អ្នកដែលខ្វះខាត ។ អែលឌើរ គ្រីស្តូហ្វឺសិន ក៏បានទស្សនកិច្ចប្រទេស កូតឌីវ័រ, នីហ្សេរីយ៉ា និងហ្គាណាផងដែរ ។
អំឡុងការប្រជុំ និងការបំពាក់បំប៉ននៅប្រទេស កូឡុំប៊ី និង អេក្វាឌ័រ អែលឌើរ នែល អិល អាន់ឌើរសិន បាននឹកឃើញពីសមាជិកសាសនាចក្រជាច្រើននាក់ដែលបានស្លាប់ដោយសារតែជំងឺកូវីដ ។ លោកបានជួបនឹងពួកអ្នកផ្សព្វផ្សាយសាសនា ប្រធានបេសកកម្មចំនួន ៣៦ នាក់ ព្រមទាំងភរិយារបស់ពួកគាត់ និងថ្នាក់ដឹកនាំស្ដេក ដោយជារឿយៗលោកមានប្រសាសន៍ជាភាសាអេស្ប៉ាញ ។ ក្នុងការប្រជុំធម្មនិដ្ឋានមួយនៅប្រទេសកូឡុំប៊ី លោកបានថ្លែងអំពីការពង្រឹងដល់អាពាហ៍ពិពាហ៍ និងក្រុមគ្រួសារ ។
នៅប្រទេសប៉ាណាម៉ា អែលឌើរ ហ្គែរី អ៊ី ស្ទីវ៉ែនសុន បានក្លាយជាសាវកដំបូងគេដែលបានទៅទស្សនកិច្ចនៅកោះកាទីទុពីឡេ នៅប្រជុំកោះ សាន ប្លាស ដែលមានទីតាំងនៅស្រុកជនជាតិដើមភាគតិចហ្គូណា យ៉ាឡា ប្រមាណជាពីរម៉ោងកន្លះពីទីក្រុងប៉ាណាម៉ា ។
អែលឌើរ ហ្គើរីត ដបុលយូ ហ្គង បានថ្លែងទៅកាន់យុវវ័យនៅប្រទេសហ្វីលីពីនអំពីការធ្វើការសម្រេចចិត្តដ៏ឈ្លាសវៃ និងអំពីការលើកដាក់ព្រះនាមរបស់ព្រះយេស៊ូវគ្រីស្ទមកលើខ្លួនពួកគេ ។ លោកបានជួបនឹងពួកអ្នកផ្សព្វផ្សាយសាសនា ហើយនៅក្នុងព្រឹត្តិការណ៍នៃការចាក់ផ្សាយមួយនៅទូទាំងប្រទេសហ្វីលីពីន លោកបានថ្លែងទៅកាន់យុវមជ្ឈិមវ័យនៅលីវ ។
នៅក្នុងប្រទេសកំណើតរបស់លោកគឺប្រទេសប្រេស៊ីល អែលឌើរ អូលីសេស សូរ៉េស បានទូន្មានដល់ពួកមជ្ឈិមវ័យធ្វើឲ្យជីវិតរបស់ពួកគេផ្ដោតលើព្រះអង្គសង្គ្រោះ ។ លោកបានប្រាស់ពួកអ្នកផ្សព្វផ្សាយសាសនាឲ្យអនុវត្តសេចក្ដីជំនឿលើព្រះយេស៊ូវគ្រីស្ទ ហើយចាក់គ្រឹះនៅក្នុងសេចក្ដីពិត ។ ជាច្រើនខែក្រោយមក អែលឌើរ សូរ៉េស បានត្រឡប់ទៅប្រទេសប្រេស៊ីលវិញដើម្បីថ្លែងក្នុងសន្និសីទស្តីពីសេរីភាពសាសនា ។ លោកក៏បានជួបនឹងប្រធានាធិបតីស្តីទីនៃសាធារណរដ្ឋដូមីនីកែន និងជាមួយឯកអគ្គរដ្ឋទូតគុយបាប្រចាំប្រទេសនោះផងដែរ ។ សាសនាចក្រមានមណ្ឌលមួយ និងសាខាចំនួនបួនកន្លែងនៅប្រទេសគុយបា ។
នៅក្នុងការប្រជុំតាមអនឡាញ អែលឌើរ ឌៀថើរ អេហ្វ អុជដូហ្វ បានថ្លែងទៅកាន់យុវវ័យ ពួកអ្នកផ្សព្វផ្សាយសាសនា និងថ្នាក់ដឹកនាំសាសនាចក្រនៅតំបន់អាស៊ី អែលឌើរ ឃ្វីនថិន អិល ឃុក បានថ្លែងទៅកាន់ពួកមជ្ឈិមវ័យវ័យក្មេងនៅតំបន់អឺរ៉ុប អឺរ៉ុបខាងកើត អាហ្វ្រិក និងមជ្ឈឹមបូព៌ា អែលឌើរ ឌី ថត គ្រីស្តូហ្វឺសិនបានថ្លែងទៅកាន់ពួកមជ្ឈិមវ័យវ័យក្មេងជាភាសាព័រទុយហ្គាយ អែលឌើរ នែល អិល អាន់ឌើរសិន បានថ្លែងទៅកាន់ពួកមជ្ឈិមវ័យវ័យក្មេងរស់នៅអាមេរិកឡាទីន និងអេស្ប៉ាញ អែលឌើរ រ៉ូណល អេ រ៉ាសបាន បានថ្លែងទៅកាន់ពួកមជ្ឈិមវ័យវ័យក្មេងដែលនិយាយភាសាអង់គ្លេស និងអែលឌើរ ឌែល ជី រ៉ង់ឡាន់ បានថ្លែងទៅកាន់ពួកមជ្ឈិមវ័យវ័យក្មេងជាភាសាបារាំង ។