Tuusao i le Mataupu
Pe le o se mea ese ea mo le uso o Iareto le ole atu i le Alii e faasusulu ni maa?
O le mea muamua lava, sa tatalo le uso o Iareto ma le faatuatua, ma le talitonu o le a ia “maua mai ai e tusa ma [lona] manao” (Eteru 3:2). O lona uiga na ia talitonuina “e leai lava se mea e tasi e le mafaia e le Atua” (Luka 1:37). Ma sa faamamaluina e le Alii lana talosaga faamaoni.
Lona lua, atonu na mulimuli le uso o Iareto i se faataitaiga na muamua atu: le vaa o Noa. Sa ta’u atu e le Alii i le uso o Iareto o ana vaa e le mafai ona i ai ni afi po o ni faamalama (tagai Eteru 2:23–24), ae ua faapea mai le Tusi Paia o le vaa o Noa sa i ai se “faamalama” (Kenese 6:16). Ae peitai, o le upu na faaliliuina o le “faamalama” atonu e le o se faamalama moni lava. Ua fai mai ni isi o tagata popoto iloga [rabbis] ma isi sikola o le “faamalama” o se maa taua sa susulu i totonu o le vaa (tagai i le Kenese 6:16, vaefaamatalaga a). E masalo na iloa e le uso o Iareto le tala i le vaa o Noa. (O faamaumauga a sa Iareto na aofia ai se tala e aofia ai le Foafoaga seia oo mai i le olo o Papelu [tagai Eteru 1:3-4].) Atonu la o le talosaga a le uso o Iareto e le o se mea sa le masani ona tupu.