2020
O e Tauivi e Suesue le Sau, Mulimuli Mai Ia te Au Na’’ Oe? O nisi nei o Motugaafa mo le Tausaga Fou
Tesema 2020

E Na’o Tusiga Faatekinolosi: Talavou Matutua

O e Tauivi e Suesue le Sau, Mulimuli Mai Ia Te Au Na’o Oe? O nisi nei o Motugaafa mo le Tausaga Fou

Saunia e Annelise Gardiner

Mekasini a le Ekalesia

Aua e te manatu ua e mauaina mea uma mai le Sau, Mulimuli Mai ia Te Au? Ma te fesoasoani atu!

O le tausaga a sau — 2021 — o le lona tolu o tausaga o le Sau, Mulimuli Mai ia Te Au mo le Ekalesia atoa. E tatau ona lava le silafia i le taimi nei, a ea?

Afai e te faapei o au, o le tali i lena fesili atonu o le “E lei oo i ai!” Ma e le afaina!

O leSau, Mulimuli Mai ia Te Au e mo tagata uma, ae o nisi taimi e faigata ona fuafua pe afai e te le o suesue faatasi ai ma isi tagata. Ae faapefea ia tagata nofofua matutua? E faapefea ona e faia se talanoaga ma oe lava ia? Ae faapefea pe afai e le fia auai au uo?

Ina ia fesoasoani ia i tatou uma i le Sau, Mulimuli Mai ia Te Au i suesuega, ua uma ona matou tuufaatasia se lisi o manatu e faaosofia ai lou fatufatuai:

  • O ni Vaega o le Sau, Mulimuli Mai ia Te Au— Faapotopoto se vaega o uo po o le aiga pe e faafesaga’i po o luga o le Initoneti e feiloai ma talanoaina mau o le Sau, Mulimuli Mai ia Te Au mo lena vaiaso. Faatulaga se taimi ma se nofoaga e feiloai ai i luga le initoneti pe faafesaga’i i vaiaso taitasi. E mafai foi ona e faaaogaina se savali faavaega pe talanoa lea e mafai ai ona e faasoa atu ai ou malamalamaaga i le tasi i le aluga o le vaiaso.

  • Afiafi Faaleaiga— Pe a fuafuaina se afiafi faaleaiga mo lou aiga po o uarota nofofua (i luga o le initoneti pe faafesaga’i), mafaufau i lesona ma gaoioiga o lena vaiaso e mafai ona tuufaatasi ma faitauga o le Sau, Mulimuli Mai ia Te Au . (Tagai i lalo ifo mo se manatu faataitai mo se afiafi faaleaiga.)

  • Faamanatu i le Telefoni— E toatele autalavou matutua e nonofo na o i latou pe na o ni nai tagata. A aunoa ma se aiga e suesue faatasi, e mafai ona faigata i nisi o taimi ona manatua le tatala mai le Sau, Mulimuli Mai ia Te Au i aso uma. Taumafai e seti se faamanatu po o se faailo i lau telefoni e tuu atu ai ia te oe le uunai faaopoopo e te manaomia.

  • Punaoa o Faasalalauga— Ua ofoina atu e le Ekalesia le tele o punaoa i ala faasalalau eseese e fesoasoani ia te oe e suesue ai le Sau, Mulimuli Mai ia Te Au. E aofia ai saunoaga o le konafesi aoao (tusiga, leo, ma vitio), lauga a le Iunivesite o Polika Iaga (tesi, leo, ma vitio), faasalalauga mo ata a le Ekalesia (leo, vitio), ma isi Ala o Faasalalauga o le Talalelei (vitio, ata, musika, ma leo). Saili ia punaoa uma nei i polokalama a le Ekalesia (Potutusi o le Talalelei, Ala o Faasalalauga o le Talalelei), ChurchofJesusChrist.org, ma le speeches.byu.edu ma faaaoga le ituaiga o ala o faasalalauga lea e te aoaoina mai ai le mea sili!

  • Faasoa Atu— O se tasi o auala sili e faaloloto atili ai lou aoaoina o le talalelei o le faasoa atu lea o mea ua e aoaoina. Faasoa i se tagata, i lau api o talaaga, i se tesi, i luga o le telefoni, po o luga foi o ala o faasalalauga faaagafesootai. Ia fai le talanoaga faasolo.

I le 2021 o le a tatou suesueina le Mataupu Faavae ma Feagaiga i le Sau, Mulimuli Mai ia Te Au. O nisi nei o manatu mo le suesueina o lenei tusi o tusitusiga paia i se tulaga faapitoa:

  • Faaaliga i le Tusiga— O Faaaliga i le Tusiga o loo i ai faamatalaga o talaaga i tagata ma tulaga o loo talanoaina i le Mataupu Faavae ma Feagaiga. E mafai ona e maua lenei tusi i luga o le polokalama o le Potutusi o le Talalelei ma luga o le ChurchofJesusChrist.org.

  • O tusiga lagolago o le Sau, Mulimuli Mai ia Te Au— O masina taitasi e tuuina mai ai e mekasini a le Ekalesia ia tusiga e faaopoopo ai ma faamalosia au suesuega o le Sau, Mulimuli Mai ia Te Au. E mafai ona e faaaogaina mekasini e ala i le polokalama o le Potutusi o le Talalelei, ChurchofJesusChrist.org, ma le mekasini e lolomiina.

  • “Mataupu Faavae ma Feagaiga” Autu o tusiga o le Talalelei— Ua i ai i le Ekalesia ia Autu o tusiga o le talalelei i luga o le tele o autu o talafaasolopito o le Ekalesia, e aofia ai le Mataupu Faavae ma Feagaiga. O tala taitasi e aofia ai se faamalamalamaga puupuu o le autu faapea foi ma sootaga i saunoaga talafeagai o lauga o konafesi aoao, tusitusiga paia, ma isi ala o faasalalauga a le Ekalesia. E mafai ona e mauaina le tala o le Mataupu Faavae ma Feagaiga (ma le tele o isi) i luga o le ChurchofJesusChrist.org/topics ma le polokalama o le Gospel Library app.

  • Au Paia: O le Tala i le Ekalesia a Iesu Keriso i Aso e Gata Ai voluma 1 ma le 2— O tusi fou o le Au Paia o loo tusia e tagata tusi talafaasolopito a le Ekalesia, o loo aofia ai tala e uiga i uluai tagata o le Ekalesia ma tusia ai i se mamanu e faitaugofie, tala-faavae. E mafai ona e faitau pe faalogologo i nei tusi i le Gospel Library app (pe faatau se kopi malō pe a e manao ai) ma faalogologo foi pe matamata i faasalalauga a le Au Paia i le ChurchofJesusChrist.org po o luga o le polokalama o le alaata a le Latter-Day Saints Channel aap.

E eseese o tatou tulaga i le olaga, ae o le mea sili e uiga i le talalelei a Iesu Keriso e mo tagata uma! O leSau, Mulimuli Mai ia Te Au e mafai ona fesoasoani ia i tatou ia iloa ma faaaoga le talalelei i o tatou lava olaga ma tulaga taitoatasi. O la tatou sini autu mo le faaaogaina o le Sau, Mulimuli Mai ia Te Au, e le faapea e tatau lava ona faamaeaina o gaoioiga uma ma manatu mo suesuega o loo tuuina atu iina. Ae, e tatau ona tatou saili ia faatofu i tusitusiga paia — o le afioga a le Atua.

Atonu o lenei lisi sa aofia ai se manatu pe lua e talafeagai ma lou tulaga, pe atonu o nei manatu e faaosofia ai nisi o au lava faaaliga patino i auala e mafai ai ona e suesue i le Sau, Mulimuli Mai ia Te Au. Soo se ala lava, aua le fiu, ma “vaai atu i [le Alii] i mafaufauga uma; aua le masalosalo, aua le fefefe ”(Mataupu Faavae ma Feagaiga 6:36).