Tulimatai Atu i Mekasini Fou e Tolu

O suiga i mekasini a le Ekalesia o se faailoga o le tuputupu ae o le Ekalesia i le lalolagi atoa.

photograph of the covers of the Liahona, For the Strength of Youth, and Friend magazines

E pei o le tapasa paia o loo faaigoaina ai (tagai Alema 37:38–45), o le mekasini o le Liahona ua faamoemoe e faasino atu lana aufaitau i lo tatou Faaola, o Iesu Keriso. O le taimi nei o lea ua amataina se itulau fou o ni suiga fiafia mo lomiga a le Ekalesia.

E amata i le masina o loma nei, o le a lolomi ai e le Ekalesia ni mekasini fou e tolu, o mekasini mo le lalolagi atoa: o le Liahona mo tagata matutua, Mo le Malosi o le Autalavou mekasini mo le autalavou, ma le mekasini o le Uo mo tamaiti. E faalagolago i le gagana, o le a maua mekasini i masina taitasi pe taivava masina ma maua.

Afai o oe o se tagata o loo maua se lomiga ua totogiina o le mekasini, o le a otometi lava ona faaauauina mo leisi tausaga tusa lava poo le a le umi o totoe i lau lomiga ua totogiina o le mekasini. Afai e mananao lou aiga e maua se lomiga ua totogiina o le Uo poo le Mo le Malosi o le Autalavou, e mafai ona faia lau lomiga ua totogiina o le mekasini i se faletusi o le ekalesia i le lotoifale poo le store.ChurchofJesusChrist.org.

O Uarota ma paranesi o le a faamalosia e saunia ni lomiga ua totogiina o le mekasini mo tagata faatoa papatiso ma faapea foi fanau laiti ma autalavou e auai atu i le lotu e aunoa ma o latou matua. Sei tagai ane i foliga o nei mekasini ma mafaufau pe faapefea ona latou faamanuiaina oe, lou aiga, ma uo.

O Le Liahona: Mo Tagata Matutua

Savali mai taitai o le Ekalesia

Aafiaga mai tagata faamaoni o le Ekalesia

Tusiga e fesoasoani i le suesueina o le Sau, Mulimuli Mai Ia Te A’u

Mataupu faavae faigofie o le talalelei mo tagata fou o le Ekalesia

O faaopoopoga o loo i ai tala fou ma vaaiga mai la outou eria

Mo le Malosi o le Autalavou: Mo talavou

Savali mai taitai o le Ekalesia

Lesona faatino o le afiafi faaleaiga

Tali i fesili mai le autalavou

Tusiga e uiga i ala o faasalalauga, tulaga faatonuina, uo, ma isi autu talafeagai

O Le Uo: Mo Tamaiti

Savali mai taitai o le Ekalesia

Gaoioiga mo tamaiti laiti

O tala na tusia e tamaiti

Tusiga e fausia ai malamalamaaga o le talalelei

Ata tusi a tamaiti

E mafai ona e totogi se lomiga o le mekasini ua lolomiina pe tuu atu se meaalofa o le totogi o se lomiga i le store. ChurchofJesusChrist.org. E mafai ona e faitauina le mekasini i se mamanu faatekinolosi i le polokalama o le Potutusi o le Talalelei po o le liahona. ChurchofJesusChrist.org.