Bisop L. Todd Budge
Rikakpilōklōk eo Kein Karuo ilo Bisoprik eo ej Tōl
Ālkin jerbal 18 allōn̄ ko āinwōt juon Ritōl Eutiej Jiljilimjuonn̄oul an Kabun̄ in, Bisop L. Todd Budge em̧ōj kar rejtake āinwōt Rikakpilōklōk eo Kein Karuo ilo Bisoprik eo Eutiej ej Tōl. Ej bōk jikin Bisop Dean M. Davies, eo em̧ōj kūri āinwōt juon Ritōl Eutiej Jiljilimjuonn̄oul an Kabun̄ in.
Bisop Budge ekar kadiwōjļo̧k jān Brigham Young University ilo 1984 kōn juon bachelor degree ilo economics. Ekar jerbal n̄an Bain & Company Japan; Citibank, N.A.; im GE Capital ilo Japan im Atlanta, Georgia, USA. Eaar erom būreejtōn im chief executive opija an Tokoyo Star Bank Limited ilo 2003 eo, jerbal āinwōt chairman eo an board eo an bank eo jān 2008 n̄an 2011 eo. Ekar barāinwōt jerbal āinwōt juon membōr in board of directors n̄an Hawaiian Airlines.
Ilo juon iien ilo mour eo an, ke Bisop Budge ekar kōļmenļo̧kjeņ kōn ukōt jerbal ko an, ekar bōk jet naan in rejan̄ ko raorōk. “Jej aikuj armej ro rem̧ool ilo pejnej,” juon rikatakin ekar jiron̄ e, kobaik men jab in ilo iaļ in jerbal eo an ekar leļo̧k n̄an e elōn̄ iien ko rem̧m̧an rellōn̄ n̄an kapilōk im jipan̄ armej ro.
Jerbal eo an Bisop Budge ekar kōm̧m̧ane, ilo m̧ool, leļo̧k n̄an e elōn̄ iien ko rem̧m̧an n̄an erom juon kareel n̄an em̧m̧an ilo laļ eo an pejnej, ekoba kōpeļļo̧k kōjām ko n̄an kwaļo̧k gospel eo ilo Japan, ijo ekar jerbal m̧oktaļo̧k āinwōt juon mijenede ilo Japan Fukuoka Mijen. Tokālik ekar jerbal āinwōt juon būreejtōn an Japan Tokyo Mijen.
“Nuuj eo em̧m̧an kōn gospel in,” ekar katakin, “ejjab kallim̧ur kōn juon mour ejjeļo̧k būrom̧ōj im apan̄ ak juon mour eobrak kōn jibadbad im aorōk—juon mour ijo būrom̧ōj im kaen̄tanaan ko ad remaron̄ ‘jako ilo lan̄lōn̄ an Kraist’ [Alma 31:38].”1
Lawrence Todd Budge ekar ļotak ilo Tijemba 29, 1959 eo, ilo Pittsburg, California, USA. Ekar ioon Lori Capener ke raar pād ilo iiō eo kein kajuon ilo Brigham Young University. Rekar m̧are ilo 1981 eo ilo Logan Utah Tampeļ Rej jinen im jemān jiljino ajri ro.
M̧oktaļo̧k jān kūr eo an āinwōt juon Ritōl Eutiej Jiljilimjuonn̄oul an Kabun̄ in, Bisop Budge ekar jerbal āinwōt juon Eria Jiljilimjuonn̄oul, stake būreejtōn, rijeje eutiej, būreejtōn an Doulul eo an Likao ro ilo stake, bisop, im būreejtōn an doulul eo an elder ro.