Oktak ko ilo māākjiin ko an Kabun̄ in
Oktak ko reļļap renaaj bōk jikier ilo māākjiin ko an Kabun̄ in jino ilo Jānwōde in 2021. Liaona eo enaaj erom māākjiin eo n̄an rūriit in rūtto ro, ej letok juon bok n̄an rūtto ro ipeļaakin laļ in. Māākjiin ko n̄an jodikdik ro im ajri ro, āinwōt bok ko remakeļo̧k, naaj peļļo̧k n̄an aolepān laļ in. Im kobban im men ko ilowaan ilo digital ippān men ko kōm̧m̧an ijo jokwe ie renaaj kōdepakpakļo̧k im kōļapļo̧k kōļmenļo̧kjeņ ko an gospel eo im kein jipan̄ ko rej peļļo̧k n̄an membōr ro an Kabun̄ in aolep jikin.
Āt eo Ensign naaj jako, māākjiin ko an jodikdik ro enaaj kiiō jeļā kake āinwōt N̄an Kōkajoorļo̧k Jodikdik ro (bōk jikin New Era), im Friend enaaj wōnm̧aanļo̧k wōt āinwōt taitōļ eo n̄an māākjiin eo n̄an ajri ro.
Okoktak kein n̄an māākjiin ko renaaj letok jet jeraam̧m̧an n̄an Armej ro Rekwojarjar ilo Raan Ko Āliktata ilo aolepān laļ in:
-
Ej kab kein kajuon, baam̧le ko itulikin in laļ ko rej kajin Pelle enaaj wōr aer iien em̧m̧an n̄an wia māākjiin ko eļaptata n̄an ajri ro im jodikdik ro.
-
Ilo jet eria ko im kajin ko, men eo kobban enaaj jeje emakijkijļo̧k jān m̧okta.
-
Kabun̄ in baam̧le eo ilaļ in renaaj bōk ejja ennaan ko reier wōt juon ilo māākjiin ko an aolepān laļ in.