System in Elleļo̧k Armej an Mijenede: Pidodo, M̧ōkaj
Eļam waanļo̧k im pidodoļo̧k jān m̧okta n̄an an membōr ro jipan̄ ro m̧ōttaer ioon mijenede ro, kam̧m̧oolol kōn meļeļe ko rekāāl rej kab kōm̧m̧an kiiō epaak n̄an system in elleļo̧k armej an mijenede n̄an membōr ro. Meļeļe eo ekāāl an jekjek in elleļo̧k armej eo kar kōm̧m̧ane n̄an kōm̧ōkaj kobaik mijenede ro im membōr ro rej elleļo̧k armej bwe ren maron̄ karōk juon en̄jake eo me enaaj jipan̄ eo m̧ōttan membōr ro em̧m̧an tata an bōk koņan ippān katak ko an gospel eo mijenede ro rej kwaļo̧k.
En̄in ej wāween an jerbal:
-
N̄e eo m̧ōttam̧ ak eo kwojeļā kake ej errā n̄an ioon mijenede ro, kwoj kanne juon boom̧ in elleļo̧k armej jān Member Tools app eo ak ilo ChurchofJesusChrist.org/referrals. Komaron̄ barāinwōt door meļeļe ko n̄an tōpar eok im juon ennaan n̄an mijenede ro.
-
Ālkin an boom eo jilkinļo̧k, juon sister mijenede kar kappeik n̄an jipan̄ membōr ro elleļo̧k armej naaj kūr waj eok. Liin enaaj leļo̧k elleļo̧k armej eo n̄an jikin eo ejim̧we im jipan̄ eok ekkejel ippān mijenede ro ijo jokwe ie.
-
Mijenede ro ijo jokwe ie renaaj barāinwōt bōk meļeļe eo kōn tōpar eok ippān elleļo̧k armej eo. Menin ekōmaron̄ eok n̄an ekōnono kōn jekjek eo im aikuj ko an eo m̧ōttan kar leļo̧k ippān mijenede ro. Komaron̄ kōnono n̄an er kōn ekōjkan jipan̄ am̧ eo m̧ōttam̧ bōk juon en̄jake em̧m̧an. Ebarāinwōt wōr am̧ ļōmņak in bōk koņam̧ ilo katak an mijenede jon̄an wōt eo kwoj kōņaan.
“Mijenede ro rej katakin bwe aolep elleļo̧k armej ro raar bōk jān juon membōr aikuj in watōke āinwōt juon men aorōk,” Elder Marcus B. Nash jān Jiljilimjuonn̄oul eo ekar ba. “N̄e mijenede ro rej bōk juon elleļo̧k armej, kar katakin er n̄an kajjitōk ippam̧ ta eo em̧m̧an tata komaron kōm̧m̧ane n̄an jipan̄ eo mōttam̧. Ilo an membōr ro im mijenede ro jerbal ippān doon, Irooj enaaj im̧we er ilo ejake juon en̄jake eļap meļeļe in n̄an jipan̄ ro m̧ōttam̧ itok epaakeļo̧k Jisōs Kraist.”
Kein jerbal in ikitōltōl ekāāl ej kōm̧m̧an kiiō ilo 33 kajin ko.