Toʻu Tupú
Faitā ʻa Leslie Nilsson
ʻOku mamafa ʻa e telefoni toʻotoʻó ʻi Silei, ka naʻá ku fokotuʻu ha taumuʻa ʻi he 2016 ke u ngāueʻi ha paʻanga feʻunga ke u fakatau mai ha telefoni. ʻI ha taʻu kakato ʻe taha, naʻá ku fakatau kakato mai ʻa e lolé mo e alfajores* peá u fakatau atu ia ki hoku ngaahi kaungāmeʻa he akó. Naʻá ku fakahaofi ʻa e paʻanga kotoa pē naʻá ku maʻú. Naʻe ʻikai ke u ʻalu ʻo kai hoʻatā, pea naʻe ʻikai ke u ʻalu ki he fale faivá.
Naʻe ʻikai ke u fie kole ki heʻeku ongomātuʻá ha telefoni. Naʻá ku fakaʻamu ke u ngāueʻi ia ʻiate au pē. Naʻe fakalotolahiʻi au ʻe heʻeku tamaí. Naʻá ne pehē mai, “Ko ia foki Kalo, tauhi maʻu ia.”
Ne u ako ha meʻa lahi. ʻOku ʻikai ha meʻa ʻe taʻetotongi. ʻOku fie maʻu ke tau ngāueʻi ʻetau taumuʻá, kae ʻoua ʻaupito naʻa tau teitei foʻi. Ko e taimi te tau maʻu ai ha meʻa pea ʻiloʻi e lahi ʻo e ngāue naʻe pau ke tau fai ke maʻu ai iá, ʻoku toe lahi ange ʻetau mahuʻingaʻia he meʻa ko iá.
Naʻá ku ʻiloʻi naʻe pau ke u fili ʻa e meʻa ʻoku ou fie aʻusiá pea mo e feituʻu te u ʻalu ki aí. Kapau ʻoku ou fie mali temipale, ʻe fie maʻu ia ke u ʻalu ki he lotú mo e seminelí pea kimui aí te u ʻalu ki he ʻinisititiutí mo e ngaahi ʻekitivitī ʻa e kau taautaha kei talavoú. Pea ʻe fie maʻu ke u kaumeʻa mo ha talavou moʻui taau. ʻE fie maʻu ia ke feilaulau he taimí ni kae lava ke maʻu ha meʻa lelei ange ʻamui.
Kalo, 15, Silei