Fakahā pea Tala
ʻOku fai ʻa e konifelenisi lahí he māhiná ni! Ko ha meʻa ʻeni ʻoku saiʻia ai ha fānau ʻe niʻihi ʻi he konifelenisí.
Ko ʻĒpeli C. mo Tina S., taʻu 10 mo e 9, Vahefonua Pongí, Laipīlia, ko e tuongaʻane mo e tuofefine. ʻOku saiʻia ʻa ʻĒpeli ʻi he konifelenisí “he ko e taimi ia ʻoku tau hikinimaʻi ai hotau palōfitá ko e Palesiteni ʻo e Siasí he taʻu kotoa.” ʻOku saiʻia ʻa Tina “he taimi ʻoku talanoa ai e palōfitá fekauʻaki mo e temipalé.”
Naʻe sio konifelenisi ʻa ʻAna B., taʻu 10, Mahalasitila, ʻInitia, mo ʻene fineʻeikí. ʻOkú ne ʻomi ʻene tohinoá mo e ʻū pení he konifelenisi kotoa ke hiki e ngaahi fakamoʻoni mo e pōpoaki ʻokú ne fanongoá.
ʻOku fakafonu ʻe Tēvita mo Suliana M., taʻu 4 mo e 6, Hōlani Tonga, Netaleni, ha ʻū poulu ʻe 15 ʻaki e meʻakai maʻamaʻá peá na tuku leva ha laʻitā ʻo ha ʻAposetolo pe mēmipa ʻo e Kau Palesitenisī ʻUluakí ʻi he poulu taki taha. Ko e taimi pē ʻoku lea ai ha taha ʻo e Kau Takí, ʻokú na kai ʻa e meʻakai ʻoku ʻi he poulu ko iá!
ʻOku ou saiʻia ke u fanongo ki he palōfitá he ʻoku folofola mai ʻa e ʻEikí ʻo fakafou ʻiate ia.
ʻOnitulei C., taʻu 12, Vale tela Kauka, Kolomupia
ʻOku ou saiʻia he sio konifelenisí he ʻoku ou saiʻia ke u ako mei he kau palōfitá, pea ʻoku ou saiʻia he feohi mo hoku fāmilí he taimi ko iá.
Tēvita J., taʻu 9, Solola, Kuatemala
ʻOku ou saiʻia he fanongo ki he ngaahi talanoá mo e hiva ʻa e kuaeá. ʻOku ou saiʻia foki he fanongo ki he ngaahi talanoa fakatātā ʻoku nau ʻomí.
ʻIuli H., taʻu 8, Taoiuani, Taiuani