Toʻu Tupú
ʻI he ʻapiako ʻoku ou ako ai he taimi ní, ʻoku tokosiʻi ʻaupito ha kau mēmipa ʻo e siasí. ʻA ia ʻoku mahuʻinga ke u moʻui ʻaki ʻeku ngaahi tuʻunga ʻulungāngá he ko e founga pē ia ke ulo atu ai e maama ʻo e ongoongoleleí ʻiate au ke faifai pea mahino kiate kinautolu pea nau kau mai ki he Siasí. Mahalo pē he ʻikai hoko he taimí ni, ka ʻe ʻi ai ha ʻaho te nau manatuʻi ai ko au e kiʻi tamasiʻi faikehe ne ʻikai inu tī mo e kofi mokomokó, naʻe ʻikai kapekapé, pea naʻe kau atu ki ha siasí. Mahalo ʻe ʻi ai ha ʻaho ʻe tataki ai kinautolu ʻe heʻeku tā sīpingá ki he feituʻu ʻoku fie maʻu ke nau ʻi aí.
ʻE ala faingataʻa ke te kehe, ke makehe. ʻOku faingofua ʻaupito ke tukuhifo hoto ngaahi tuʻunga ʻulungāngá. ʻOku tokoniʻi au he ʻahó kakato ʻe he tā sīpinga mo e lotu hoku fāmilí. ʻOku fakamanatu mai ʻe he lotú kiate au ke tauhi ʻeku ngaahi tuʻunga ʻulungāngá.
ʻOua naʻá ke teitei fakaveiveiua ha taimi ko e meʻa ʻokú ke faí ʻoku ʻikai totonu. ʻOku feinga maʻu pē e kakaí ke tukuhifoʻi koe ʻi he ngaahi meʻa ʻoku ʻikai ke ke faí. Mahalo pē he ʻikai manakoa koe. Ka ʻoku sai ʻaupito pē ia. Te ke manakoa koe ki he Tamai Hēvaní mo Sīsū Kalaisi ʻi hoʻo tauhi e ngaahi tuʻunga ʻulungāngá. ʻE faifai pē pea te ke ʻiloʻi ko e meʻa ʻokú ke lolotonga faí ʻokú ne ʻai koe ke ke fiefia. Ko e fiefia tolonga moʻoni ia ʻoku haʻu mei hoʻo tauhi ho ngaahi tuʻunga ʻulungāngá. Ko ia ai, hokohoko atu pē, moʻui ʻaki pē ho ngaahi tuʻunga ʻulungāngá!
Nētane O., Manila, ʻOtu Filipainí