Ko e Laumālie Māʻoniʻoní Ko e …
1. Mēmipa ia ʻe taha ʻo e Toluʻi ʻOtuá. Ko hono ʻuhingá ʻokú Ne ngāue mo e Tamai Hēvaní mo Sīsū Kalaisi ke tokoniʻi kitautolu. ʻOku faʻa ui Ia ko e Laumālié he ʻoku ʻikai Hano sino.
2. Ko ha meʻafoaki ʻoku ʻomi ʻi he papitaisó. Hili hoʻo mavahe mei he vaí, te ke maʻu ha tāpuaki makehe ʻoku ui ko e “hilifakinima” ʻa ia ʻe fakaafeʻi ai koe ke ke maʻu e Laumālie Māʻoniʻoní.
3. Ko ha talaʻofa mei he Tamai Hēvaní. ʻI hoʻo toʻo e sākalamēnití, ʻokú ke palōmesi ai ke hokohoko atu hoʻo muimui kia Sīsuú. ʻI hoʻo fakahoko iá, ʻoku talaʻofa mai leva ʻe he Tamai Hēvaní ke ʻiate koe e Laumālie Māʻoniʻoní.
ʻOku hangē ko ha kafu māfana ʻokú ne takatakaiʻi ho lotó. Te Ne lava ʻo fakafiemālieʻi koe ʻi hoʻo ongoʻi mamahí pe ilifiá.
ʻOku hangē ha uasi tatangi ʻokú ne fakatokanga atu e fakatuʻutāmakí. Te Ne tataki koe ke mamaʻo mei he meʻa te ne fakalaveaʻi koé.
ʻOku hangē ha faiako angaleleí. Te Ne talaatu e meʻa ʻoku moʻoní mo tokoniʻi koe ke ke manatuʻi e meʻa kuó ke akó.
ʻOku hangē ha talafekau mei he Tamai Hēvaní. ʻE lava ke tokoniʻi koe ʻe he Laumālie Māʻoniʻoní ke ke ongoʻi e ʻofa ʻa e ʻOtuá mo mahino kiate koe e meʻa ʻokú Ne fie maʻu ke ke ʻiló.
ʻOku hangē ha fakaʻilonga ke tokoni atu ke ke ʻilo e feituʻu ke ke ʻalu ki aí. Te Ne tokoniʻi koe ʻi hoʻo ngaahi filí, ke ke nofo maʻu he hala ki he moʻui taʻengatá.
ʻOku hangē ha kaumeʻa lelei taha ʻoku fie nofo mo koe he taimi kotoa pē! ʻI hoʻo fai e ngaahi fili ʻoku leleí, ʻokú ke fakaafeʻi Ia ke ne nofo mo koe.