ចំទៅនឹងគោលដៅ
តើខ្ញុំគួរនិយាយដូចម្តេច ពេលមិត្តភក្តិរបស់ខ្ញុំសួរសំណួរអំពីសេចក្តីជំនឿរបស់យើងចំពោះអាពាហ៍ពិពាហ៍ និងក្រុមគ្រួសារ ?
នៅក្នុង « ក្រុមគ្រួសារ ៖ ការប្រកាសដល់ពិភពលោក » គណៈប្រធានទីមួយ និង កូរ៉ុមនៃពួកសាវកដប់ពីរនាក់ « ប្រកាសថា អាពាហ៍ពិពាហ៍រវាងបុរស និង ស្ត្រី គឺត្រូវបានតែងតាំងឡើងដោយព្រះ ហើយថា គ្រួសារជាផ្នែកដ៏សំខាន់មួយនៅក្នុងផែនការរបស់ព្រះដ៏បង្កបង្កើតសម្រាប់គោលដៅដ៏នៅអស់កល្បជានិច្ចនៃ កូនចៅរបស់ទ្រង់ » ( familyproclamation.lds.org ) ។
សេចក្តីប្រកាសនេះ « គឺជាសេចក្តីថ្លែងការណ៍មួយនៃសេចក្តីពិតដ៏អស់កល្ប » ដែលកើតឡើងតាមរយៈ « ដំណើរការនៃវិវរណៈ » ហើយពុំមែន « គ្រាន់តែជាសេចក្តីថ្លែងការណ៍នៃគោលនយោបាយ » ឡើយ ( ដាល្លិន អេក អូក « ផែនការ និងសេចក្តីប្រកាស » លីអាហូណា ខែ វិច្ឆិកា ឆ្នាំ ២០១៧ ទំព័រ ៣០, ២៩ ) ។ អ្នកអាចចែកចាយជំនឿផ្ទាល់របស់អ្នកថា នេះគឺជាការពិត ហើយអ្នកអាចចែកចាយពរជ័យដែលសេចក្តីពិតទាំងនេះបានផ្តល់ដល់អ្នក ។
ក្នុងការឆ្លើយតបទៅមនុស្សដទៃ យើងត្រូវចៀសវាងពីការគិតថាខ្លួនឯងសុចរិត ឬចៀសវាងពីជម្លោះ ។ យើងគួរតែព្យាយាមស្រឡាញ់ពួកគេ ។ អស់អ្នកដែលបើកដួងចិត្ត ហើយស្មោះសរស័ក្តិសមនឹងទទួលបានចម្លើយស្មោះសរ ។ ប៉ុន្តែប្រសិនបើវាជាក់ស្តែងពេកថា បុគ្គលម្នាក់លេងសើច ហើយគ្រាន់តែចង់សើចចំអក ឬមើលងាយទស្សនរបស់អ្នក ឬប្រសិនបើពួកគេគ្រាន់តែចង់បង្ករឿង វាជាការល្អបំផុតដើម្បីចៀសវាងពីការពិភាក្សា ( សូមមើល ម៉ាថាយ ៧:៦ ) ។