Kaati ʻo e Tangata Toʻa ʻi he Fuakava Motuʻá
Naʻe Hoko ʻa Lute ko ha Kaungāmeʻa ʻOfa-Mateaki
Naʻe nofo ha fefine ko Nāomi fakataha mo ʻene ongo tama tangatá, fakataha mo hona ongo malí. ʻI he taimi naʻe fakatou mate ai ʻene ongo tamaiki tangatá, naʻe talaange ʻe Nāomi ki hona ongo malí ke na foki ki hona ongo fāmilí. Ka naʻe ʻi ai ha taha ʻi he ongo uaifí naʻe ʻofa-mateaki, ʻa ia ko Lute. Naʻá ne fili ke nofo ʻo tokangaʻi ʻa Nāomi. Naʻe ʻalu ʻa Lute ke tānaki kēleni mei ha ngoue naʻe ofi mai. Ne fanongo e tokotaha ʻoʻoná ki he hoko ʻa Lute ko ha tokotaha leleí. Naʻe angaʻofa kia Lute. Naʻe fili ʻa Lute ke mali mo ia. Naʻe hokohoko atu pē ʻa e kaungāmeʻa lelei ʻa Lute mo Nāomí, pea naʻe tokoni ʻa Nāomi hono tauhi e tama ʻa Luté. ʻOsi ha ngaahi taʻu lahi mei ai, kuo ʻaloʻi mai ʻa Sīsū ki he fāmili ko ʻení. ʻOku ʻuhinga ia, naʻe hoko ʻa Lute ko e taha e ngaahi kui ʻa Sīsuú!
Lute
Naʻe fili ʻe Lute ke ne hoko ko ha kaungāmeʻa ʻofa-mateaki, pea te u lava foki mo au!
-
Ako Maʻuloto ʻa e Lute 1:16.
-
ʻOku ʻuhinga e ʻofa-mateakí ke poupouʻi ha taha neongo ʻa e taimi e faingataʻa aí. Tohi ʻi hoʻo tohinoá fekauʻaki mo ha taimi naʻe ʻofa-mateaki ai ha taha kiate koe.
-
Fakakaumeʻa ki ha taha foʻou ʻi he uiké ni. Ako ha meʻa mālie ʻe tolu fekauʻaki mo kinautolu!
-
ʻE lava ke u hoko ko ha kaungāmeʻa lelei ʻaki haʻaku …