2018
Ta, Etke, im Ekōjkan: Kōmeļeļe eo ilo Dipdikin an Jepļaaktok eo
April 2018

Ta, Etke, im EWI WĀWEEN: Juon Kōmeļeļe eo ilo Dipdikin an Jepļaaktok eo

Jān Faith Sutherlin Blackhurst

Māākjiin ko an Kabun̄ in

N̄an katakin gospel eo, kwonaaj maron̄ in kōmeļeļeik ta in bun̄ jān tōmak, iien bōk eddo ko, im Jepļaaktok eo rej. Jaat in emaron̄ jipan̄.

Pija
a breakdown of the restoration 1
Pija
a breakdown of the restoration 2

Baj ba kwoj pād ilo juon tūreep juon wiik aitokan n̄an tarkijet ippān baam̧le eo an eo m̧ōttam̧. Ekanooj ļap am limo, bōtaab kwoj jino in būrom̧ōj kōn baam̧le eo am̧ make. Innām jemam̧ ej jeje waj n̄an eok n̄an lale ejiet men otemjej—ej ta eo kwar aikuji n̄an en̄jake iakwe im keememej.

Mour ioon laļ in ekadu. Anij ejjab jeje n̄an kōj, bōtaab jej ettoļo̧k jān kapijuknen eo ad ilan̄, kōn menin juon wāween Jemedwōj Ilan̄ ej kwaļo̧k An iakwe n̄an kōj ej kōn jilkintok rikanaan ro.

Tōre in Iien Bōk Eddo

Pija
prophets called of God

Pija ko jān Ben Simonsen

Rikanaan ro rej tōl ta eo ņae etan tōre in iien bōk eddo ko, tōre in iien bōk eddo ko, tōre ko an iien n̄e (1) Anij ewōr juon an ritōl an priesthood kar kōmālimi ioon laļ in (2) ritōl in, juon rikanaan, ej katak kōn karōk in lo̧mo̧o̧r eo kajju jān Anij. Innām rikanaan eo ej katakin, ak leļo̧k, gospel eo n̄an armej ro.

Kōnke kōn jeje ko rekwojarjar, jejeļā kōn elōn̄ tōre in iien bōk eddo ko. Jet iaan ko raorōk raar ko an Adam, Inōk, Noa, Ebream, Moses, Jisōs Kraist, im Josep Smith. Irooj eaar jino juon tōre in iien bōk eddo kōn kajjojo rikanaan rein.

Bun̄ Jān Tōmak

Pija
apostasy cycle

Būn̄ Jān Tōmak eo=nana. N̄e juon armej ak kumi ej oktakļo̧k jān m̧ool ko an gospel eo an Jisōs Kraist, kowaan rikanaan ro, im jino jerawiwi, rej pād ilo bun̄ jān tōmak.

Ekōjkan an Bun̄ Jān Tōmak Waļo̧k

Anij ej kūr juon rikanaan, eo ej katakin gospel eo em̧ool an Jisōs Kraist.

Armej ro me rej ļoor katak ko an rikanaan eo rej jeraam̧m̧an.

Jet iaan armej ro rej erom uteij bōro im kowaan rikanaan eo.

Emakijkij an Irooj kōm̧akūt rikanaan eo An jān armej ro me rej kowaan pedped ko an gospel eo.

N̄e iien ej jejjet, Anij ej kūr juon rikanaan kāāl n̄an bar kōjepļaaktok m̧ool eo, priesthood eo, im Kabun̄ eo.

Jepļaaktok eo

Pija
restoration

Juon jepļaaktok ej juon jerbal in bar kōro̧o̧ltok juon men n̄an jekjek eo an jinoin tata. Ejjab juon bar ejaake, eo ej ukōt juon men epād kadede n̄an ejaake juon men ekāāl. N̄an waanjon̄ak, eļan̄n̄e kwar kōņaan kōjepļaaktok juon em̧ em̧or, kwonaaj kar bar kalōke kōn ejja ļamļam eo wōt an me kar jino in tata. Komaron̄ kōņaan kobaik juon jikin kōmāņeņ ekāāl, bōtaab kwonaaj kar ukōt m̧weo, ejjab kōjepļaaktok.

Gospel eo an Jisōs Kraist kar aikuj in kōjepļaaktok kōnke eaar jako ilo iien Bun̄ Jān Tōmak eo Eļap. Armej ro raar mour ium̧win epepen ko ilo an ejjeļo̧k Kabun̄ e em̧ool. Kōn menin Irooj eaar kōjepļaaktok Kabun̄ eo An im gospel eo kōn Josep Smith, ejja āinwōt an kar rikanaan ro etto kar kanaan.(lale Aiseia 2:1–3; 29:13–14; Jerbal 3:19–21; Revelesōn 14:6–7; 2 Nipai 3:3–15).

Gospel eo em̧ool an Jisōs Kraist ej pād n̄an an pād wōt—kōn menin kwonaaj ke pād wōt ie? Em̧ool men̄e laļ in ej ļapļo̧k im ļāpļo̧k wōt an nana, Kabun̄ eo an Jisōs Kraist enaaj pād wōt n̄an jem̧ļo̧kin.

Ewōr juon am̧ kālet n̄an kōm̧m̧ane—ejja kālet eo wōt me aolep armej raar aikuj kōm̧m̧ane jān jino in iien: kwonaaj ke ļoor rikanaan eo? Eļan̄n̄e kwoj, kwonaaj jeraam̧m̧an im bōk Jetōb eo n̄an tōl eok.

Adam

Adam eaar juon bainier em̧ool: eaar armej eo im̧aan tata ioon laļ in im rikanaan eo m̧oktata! Eaar katakin baam̧ļe eo an gospel eo, bōtaab em̧ool ilo jino in, elōn̄ “kappukot kapilōk ko aer make ilo marok” im kar kowaan m̧ool eo (Moses 6:28).

Inōk

Pija
city taken up to heaven

Kwonan̄in ke kar ron̄ kōn aolepān jikin kweilo̧k eo kar bōk lōn̄ļo̧k n̄an lan̄? Ekwe, jikin kweilo̧k Zaion—kar ejake jān Inōk—kar kanooj in jim̧we jon̄an armej ro raar ilo̧k n̄an jokwe ippā Anij (lale Moses 7:23).

Noa

Pija
noahs ark

Kwojeļā kōn wa eo waan Noa. Ruwalitōk wōt armej ro—baam̧ļe eo an Noa—kar mour jān Ibwij leplep eo kōnke raar ron̄jake kakkōl ko an Noa (lale Jenesis 7; Moses 8). Bōtaab kwar jeļā ke bwe eaar bōk priesthood eo ke eaar 10 iiō dettan (lalee K&B 107:52) im bwe “riineea eo … kappukot Noa n̄an bōk mour eo An”? (Moses 8:18).

Ebream

Pija
abraham

Ebream eaar m̧ōttan wōt jidik katok kake jān pris ro renana, bōtaab juon enjeļ eaar lo̧mo̧o̧ren e (lale Ebream 1). Eaar wōr jet an revelesōn ko rekabwilōn̄lōn̄, ekoba juon vison kōn mour eo m̧okta. Membōr ro an Kabun̄ in rej jān bwijjin, im bujen Ebream ej etōņake ālkin etan. (Lale Ebream 2–5.)

Moses

Pija
moses

Moses eaar tōl RiIsreal ro jān Egypt im kar jipan̄ er bōk aenōmkwoj. Eaar “niknik kappukot n̄an kokwōjarjar armej ro an bwe ren maron̄ lo turin mejān Anij; Ak rekar kapen burueer im kar jab maron̄ pād ilo im̧aan Mejān” (K&B 84:23–24). Ilo m̧ool, kōnke kōn bun̄ jān tōmak eo aer, raar jōbwābwe ilo āne jem̧aden ium̧win 40 iiō ko!

Jisōs Kraist

Pija
Jesus Christ

Jisōs Kraist eaar jab wōt katakin gospel eo im kōm̧m̧an elōn̄ kabwilōn̄lōn̄ ko, ak Eaar barāinwōt ejake Kabun̄ eo An ioon laļ in. Eaar en̄taan kōn jerawiwi ko ad im kar debwāle im jerkakpeje n̄an kōmaron̄ kōj n̄an anjo̧ ioon mej ilo jetōb im kanniōk. E ej demān Kabun̄ eo An rainin, im E im Jemed Ilan̄ rej un jān priesthood mālim eo.

Bun̄ Jān Tōmak Eo Eļap

Pija
the great apostasy

Ālkin Jerkakpeje eo an Rilo̧mo̧o̧r, Rijilōk ro An im ritōl ro jet an Kabun̄ in raar kajieon̄ kajeded gospel eo, bōtaab armej raar kowaan katak ko aer im em̧ool m̧an aolep Rijilōk ro. Kōn nana eo an armej ro, tarlep eo an gospel eo kar jako jān laļ in. Laļ in eaar jakoļo̧k ilo marok ilo jetōb (lale Aiseia 60:2).

  • Ium̧win elōn̄ļo̧k jān 1,000 iiō ko, armej ro raar jab bōk kain̄i ko an lo̧mo̧o̧r, kōjeraam̧m̧an ko an tampeļ, ak tōl jān juon rikanaan.

  • M̧ool ko raorōk kar jako jān Baibōļ eo.

  • Ļōmņak ko rebōd kar katakin kōn m̧ool in piktok eo an Anij.

  • Jet iaan kain̄i ko an lo̧mo̧o̧r raar oktak ak katakin ilo jab jim̧we (lale Aiseia 24:5).

  • Āliktata bun̄ jān tōmak in eaar tōlļo̧k n̄an ejaak an elōn̄ m̧ōn jar ko.

Bar Ejaake

Pija
reformation

Ilo iien Bun̄ Jān Tōmak eo Eļap, jet armej in-kabun̄ ilo Europe raar kile bwe gospel eo an Jisōs Kraist kar jab katakin ilo jim̧we. Riejaak rein raar jab rikanaan ro, bōtaab raar kōm̧m̧ane ijo em̧m̧an tata ippāer n̄an katakin m̧ool eo āinwōt aer kar meļeļe kake. Raar jipan̄ kōm̧m̧an bwe Baibōļ eo en maron̄ etal n̄an elōn̄ armej ro. Elōn̄ raar tariņae kōn anemkwoj in kabun̄ im kōpeļļo̧k iaļ eo n̄an Jepļaaktok eo an gospel eo.

Josep Smith

Pija
joseph smith

Kōn menin tarlep in gospel eo eaar ke jako n̄an indeeo? Jaab! Anij eaar bar kwaļo̧k m̧ool ko raorōk n̄an Josep Smith bar juon alen. Rikwōj meļan lan̄ ro raar kōjepļaaktok aolep kii ko an priesthood remenin aikuj n̄an e (lale K&B 27:8–13; 110; 128:18–21), kōm̧m̧an bwe “tōrean iien eddo ko” (K&B 138:48). Ej barāinwōt jeļā kake āinwōt armej ro rekwojarjar illo raan-ko āliktata kōnke ej tōre in iien bōk eddo m̧okta jān Itok EO Kein Karuo an Jisōs Kraist.

Jepļaaktok Eo

Kwojeļā ta? Ewōr IPPAM̧ kōjeraam̧m̧an ko an Jepļaaktok eo. Aaet, kwe!

  • Kabun̄ eo an Jisōs Kraist kar kōjepļaaktok kōn juon rikanaan im rijilōk ro n̄an tōle.

  • Bok in Mormon, Katak im Bujen ko, Bōōr Eo Eļap Wōņāān, im revelesōn ko jet raan kein kar kōjepļaaktok m̧ool ko raorōk me raar jako (lale 2 Nipai 27).

  • Josep Smith eaar bōk Priesthood eo an Aron jān Jon Ripeptaij (lale K&B 13) im Melkesedik Priesthood eo jān Rijilōk Piter, Jemes, im Jon (lale K&B 128:20).

  • Rikabwijer priesthood ro kar kōmalim n̄an kōm̧m̧ani kain̄i ko an lo̧mo̧o̧r ilo jejjet.

  • Im jejeļā bwe m̧ool eo ejjamin naaj bar jako kōn bar juon bun̄ jān tōmak (lale Daniel 2:44).