M̧ae iien Jenaaj Bar Lo Doon
Lōke Eo kōn Jerkakpeje eo
Jān Elder D. Todd Christofferson
Jān Doulul eo an Jon̄oulruo Rijilōk ro
Jān katak letok jān Eprōļ 2014 kweiļo̧k eo elap.
Jisōs Kraist em̧ool ej āt eo im ial eo wōt im kake lo̧mo̧o̧r emaron̄ itok n̄an armej.
Kōmeļeļe jān Yajaira Ramos
Watōke jidik wōt iien aorōk in Jerkakpeje ilo mejal juōn alen im n̄an indeeo m̧ool eo kōn wōn in Jisōs RiNazeret im jiai in kōlmenļo̧kjeņ ko reļļap im kajjitōk ko kōn mour. Eļan̄n̄e m̧ool ke Jisōs ekar lukkuun jerkakpeje, eaikuij itok bwe E ej armej ekwojarjar. Ejjeļo̧k armej ewōr an kajoor ilo e make n̄an rooltok n̄an mour ālkin an mej. Kōnke E eaar jerkakpeje, Jisōs e ban juon kaamtō, juon rūkaki, juon rabbai, ak juon rikanaan. Kōnke Eaar jerkakpeje, Jisōs eakuj kar juon Anij, em̧ool eo Emake Keotake Nejin Jemān.
Kōn men in, ta eo Eaar katakin em̧ool; Anij e ban riab.
Kōn men in, E eaar Rikōm̧anm̧an eo an laļ, āinwōt An kar ba.
Kōn men in, lan̄ im hell rem̧ool, āinwōt An kar katakin.
Kōn men in, ewōr juōn laļ an jetōb ro me Eaar loļo̧k er ālkin mej eo An.
Kōn men in, E naaj bar itok, āinwōt an enjeļ ro kar ba, “im irooj make ioon laļ.” [Laajrak in Tōmak 1:10].
Kōn men in, ewōr juon jerkakpeje im juon ekajet āliktata n̄an aolep.
Kōnke m̧ool in Jerkakpeje eo an Kraist, pere kōn An kajoor otem kajoor, An pād ijoko jabdewōt, im jouj eo an Anij Jemān—eo Eaar letok Nejin Emake Eaar Keotake n̄an lo̧mo̧o̧r eo an laļ—ejjeļo̧k pedpedier. Pere ko kōn meļeļein im unin mour in ejjeļo̧k unier. Jisōs Kraist em̧ool ej āt eo im ial eo wōt im kake lo̧mo̧o̧r emaron̄ itok n̄an armej. Jouj eo an Kraist em̧ool, im emaron̄ letok jeorļok bōd im karreo n̄an rijerawiwi eo ej ukweļo̧k. Tōmak m̧ool ke eļapļok jān ļōkōm̧ ak ekkōn in kōļmenļo̧kjeņ. Ewōr m̧ool ilōn̄tata im ebun̄it men otemjej, im ewōr jibadbad n̄an im jon̄ok ko rejjab ukoktak kōn m̦wil āinwōt kar katakin jān E.
Kōnke m̧ool in Jerkakpeje eo an Kraist, ukweļo̧k jān aolep bōd ko ņae naan in jiron̄ ko im kien ko an emaron̄ jimor bōk jikin im mōkaj kitien. Mennin bwilōn̄ ko An rekar m̧ool, āinwōt kalim̧m̧ur ko An n̄an ro rikaļoran bwe re maron̄ kōm̧anm̧an āinwōt im em̧ool jerbal ko reļļapļo̧k. Priesthood eo An emennin aikuij bwe en m̧ool in kajoor eo ej kōmakūtkūt gospel eo im kabwijer kii n̄an mennin ittino ko an aelōn̄ eo, em̧ool kii eo an jeļāļo̧kjeņ an Anij. Kōn menin, ilo kain̄i ko ie, kajoor in āinwōt Anij ej waļo̧k” [K&B 84:19–20]. Kōnke em̧ool in jerkakpeje eo an Krai st, mej ej jab jemļo̦k eo ad, im “men̄e likakrak rej kakkure [ānbwin ko ad], mekarta ilo kanniōk eo ad jenaaj lo Anij.” [Job 19:26].