6 Kōkaļļe ko an Kwojkwoj in Kijoņe, ko me remaron̄ Ukōt Am kōlmenļo̧kjeņ Kōn Ijtō

Jān Valerie Durran

Māākjiin ko an Kabun̄ in

N̄e jej keememej kōkaļļe ko an Kwojkwoj in Kijoņe eo, meļeļe ko ad im ad lan̄lōn̄ kōn m̧ool eo kōn Jerkakbeje enaaj lapļo̧k.

table set with passover meal

Em̧m̧an ippa Ijtō, juon raan ekwojarjar n̄an kakeememej Jisōs Kraist ke eaar kōtļo̧k ajri ro nejin Anij jān kamakoko an mej im hell.

Ak 1,500 iiō ko remootļo̧k mokta jān Jerkakbeje eo, ejja bar juon raan ekwojarjar kar kakeememej Jehovah ilo an kar kōtļo̧k ajri ro nejin Israel jān kamakoko eo aer ilo Egypt.

Ijtō ej kakeememej Pinmuur eo an Rilo̧mo̧o̧r; Kwojkwoj in Kijoņe eaar kwaļo̧k kadkadin. Men kein ippān doon, remaron̄ kōļapļo̧k kōļmenļo̧kjeņ eo ad kōn Jerkakpeje. Ijin ilaļ rej jet iaan konnekjeņ ko ikōtaan Kwojkwoj in Kijoņe im Ijtō:

Kwojkwoj in kijone	Ijtō
1. Kwojkwoj in kijoņe ej pedped ioon lamb eo em̧ōj mane, juon kom̧aan ewāppen (lale Exodus 12:5), diin en ejjeļo̧k jorrāān (lale Exodus 12:46).	1. Jisōs Kraist ej Lamb an Anij (lale Jon 1:29), anjo jān jerawiwi ilo an ejjeļo̧k juon diin ejorrāān (lale Jon 19:36).
2. Pilawā e jab uwe, ejjeļo̧k nana ie (lale Bible Dictionary, “Uwe”), m̧ōttanļo̧k kwokwoj in kijoņe eo (lale Exodus 12:8, 15).	2. Jisōs ej Pilawā in Mour, ilo e ejjeļo̧k ettoonon (lale Jon 6:35).
3. Bōlōk ko re meo̧, juon kōkaļļe in kamakoko an ri Israel, m̧ōttanļo̧k Kwojkwoj in kijoņe (lale Exodus 12:8).	3. Jemaron̄ kar eddoik jerawiwi, ak kōnke Jisōs eaar idaak kap eo emeo̧ (lale K&B 19:18), jemaron̄ anjo kōn Pinmuur eo An (lale 1 Korint 15:22).
4. Kwojkwoj in Kijoņe kar m̧ōn̄ā ilo kaiur (lale Exodus 12:11).	4. Ānbwinin Rilo̧mo̧o̧r kar kōpooje ilo kaiur n̄an kallib (lale Jon 19:31).
5.Ritōmak ro raar unoiki kōjem ko kōn bōtōktōk in Lamb eo raar lo̧mo̧o̧reņ er jān mej ilo kanniōk (lale Exodus 12:7, 13).	5. Ritōmak ro rej bōk m̧ōttan kwojkwoj eo kōn kōkaļļe in bōtōktōk in Lamb eo kajjojo wiik ilo iien kwojkwoj eo im “keememej e iien otemjej” (K&B 20:77, 79) remaron̄ bōk lo̧mo̧o̧r ilo mour in jetōb im kanniōk. (lale Mosaia 4:2).
6. Raan eo ālkin aer kar maņe maanje ro, rekar kaņemkwōj ro nejin Israel jān kamakoko (lale Exodus 12:29–32).	6. Raan eo ālkin aer kar m̧ane m̧aanje ro, Jisōs eaar kanemkwōj ro raar kōmakoko ilo Laļ eo an Jetōb (lale K&B 138:18, 31, 42).

Ta Eo Imaron̄ Kōm̧m̧ane?

Ilo am bōk kwojkwoj eo, ļōmņak kōn wāween an maron̄ āinwōt “ad kwojkwoj in kijoņe, kakeememej kōn ad jokane im anemkwōj im lo̧mo̧o̧r” (Jeffrey R. Holland, “This Do in Remembrance of Me,” Ensign, Nov. 1995, 68).

Ekkatak Eļapļo̧k

Kappukōt wāween ko jet n̄an kōkm̧anm̧anļo̧k bwebwenato ilo Liaona kōn jijen in Ijtō “Iaļ eo an Rilo̧mo̧o̧r Āliktata, im Ejimakeke.”