Laajrak in Tōmak ko
Rakotomalala Alphonse
Sarodroa, Madagascar
Ke Rakotomalala eaar jino itok limoin ilo gospel in, kabun̄ eo epaaktata ekar pād ilo Antsirabe, juon jikin 30 mail (50 km) jān jikin eo an ilo Sarodroa. Rakotomalala im juon m̧ōttan raar lo juon iaļ n̄an etal kajjojo Jabōt.
Rainin, Sarodroa ewōr ie juon im̧ōnjar edik ijo 100 membōr rej pād kajjojo Jabōt. Rakotomalala eaar lo an bukwon eo an bōk gospel eo. Emān mijenede ro raar jerbal jān Sarodroa im bwe Kabun̄ in eaar eddōkļo̧k.
Cody Bell, ripija
Ke jim̧m̧a eaar jino nan̄inmej, iaar etal n̄an Antsirabe bwe in pād ippān. Mijenede ro raar loļo̧k m̧weeo im̧ōņ jet iien. Kom̧ro jim̧m̧a eaar jab membōr in Kabun̄ in, ak eaar kōņaan bwe mijenede ro ren loļo̧k. Juon bon̄, raar leļo̧k n̄an jim̧m̧a juon kōjeraam̧m̧an, im ālkin juon nokon in jota an baam̧le, raar letok n̄an kōm juon Bok in Mormon.
Raar ba, “Jouj riiti bok in im kajjitōk ippān Anij eļan̄n̄e ej m̧ool.”
Ke iaar ro̧o̧lļo̧k n̄an Sarodroa, Iaar jab kōņaan riiti Bok in Mormon kōnke iaar ļōmņak ejjab m̧ool. Innām, juon raan iaar jino nan̄inmej im iaar pād wōt m̧weeo ium̧win jet raan. Ke iaar reito reitak n̄an kōm̧m̧an jabdewōt, iaar lo Bok in Mormon eo im jino riiti.
Tokālik, iaar ro̧o̧l n̄an Antsirabe im kar ioon mijenede ro. Raar katakin eō eļapļo̧k kōn Bok in Mormon im kōn Rikanaan Josep Smith. Iaar jiron̄ er ke jejjab aikuj rikanaan ro im bwe ejjeļo̧k rikanaan rainin. Mijenede ro raar kajjitōk bwe in jar n̄an Anij im kajjiōt eļan̄n̄e ewōr juon rikanaan kiiō. Raar kallim̧ur bwe Anij enaaj uwaake eō. Iaar jar im iaar en̄jake bwe ta eo mijenede ro raar ba ekar m̧ool.
Iaar kōņaan etal im jar, ak eaar ejjeļo̧k wōņāāņ aō baj. Iaar kōnnaan ippān eo m̧ōtta, Razafindravaonasolo, im eaar ba kom̧ro en uwe ilo baijkōļ eo waaō. Kom̧ro eaar ettōr ruo awa etal jān Sarodroa n̄an Antsirable kajjojo Jabōt. N̄e im̧ōk in patōļ, iuwe lik im ebaj itok im batōļ. Innām n̄e em̧ōk, āindein am̧ro kotaik doon.
Āliktata, baam̧le eo an Razafindravaonasolo im n̄a kar kobatok ilo Kabun̄ in. Kōm̧ eaar etal im jar ilo Antsirabe m̧ae juon branch eaar jutak ilo Sarodroa. Kōm̧ kar m̧ōņōņō ilo am̧ etal n̄an m̧ōnjar eo ilo bukwōn eo am̧ make.
Jemān Razafindravaonasolo eaar kūr āinwōt branch būreejtōn eo. Juon raan eaar ioon eō im kar rōjan̄ eō bwe in kōppopo n̄an juon mijen. Iaar ļōmņak iban kar jerbal, ak eaar kipeļ eō ke imaron̄. Iaar bōk juon kūr n̄an jerbal ilo Madagascar Antananarivo Mission. Em̧ōj aō m̧are im kiiō ewōr ruo neju ajri. Ij kam̧oolol kōn baam̧le eo aō, im ewōr aō en̄jake ko me imaron̄ kwaļo̧ki me raar jipan̄ bwe in jeļā bwe Kabun̄ in ej m̧ool.
Ālkin kobatok ilo Kabun̄ in, Rakotomalala (tuanbwijmaron̄) kar jerbal ilo Madagascar Antananarivo Mission, im Razafindravaonasolo (tuanmiin̄) kar jerbal ilo Democratice Republice eo ilo Congo Kinshasa Mission.
Ilo 2013, membōr ro ilo Sarodroa raar kalōk im̧ōņ jar in edik n̄an kabun̄jar. Rakotomalala ej m̧ōņōņō in jipan̄ kōm̧m̧an oktak ko aikuji n̄an m̧wiin.
Rice ej juon kein ekkaan eo ilo Madagascar. Enan̄in aolep ro ilo Sarodroa rej jerbal ilo jikin kallib rice eo n̄an jipan̄ baam̧le ko aer.
Ke Kabun̄ in ej eddōļo̧k, membōr ro ilo Sarodroa raar aikuji juon m̧ōņjar kāāl. Ilo an m̧ōnjar eo epaake, Rakotomalala im ro jet jerbale n̄an ukōt m̧ōņjar eo m̧okta n̄an kūlaaj ruum̧ im juon opiij an bisop.
Jen raan eo raar ettōr ruo awa etal n̄an jar kajjojo Jabōt, Rakotomalala im Razafindravaonasolo raar m̧ōttā wōt. Rej m̧ōņōņō kōn kōjeraam̧m̧an ko an gospel in ej waļo̧k n̄an er im baam̧le ko aer.
Rakotomalala im Razafindravaonasolo rej jutak itum̧aan in m̧ōņjar eo ekāāl ilo Sarodroa. Mōņjar in, kar kōm̧m̧an jān jimāāņ im pirōk, kar kalōke jān membōr ro.