Tuusao i le Mataupu
Aisea e faataga ai e le Atua taua?
Ata pue mai le Getty Images
Ua avea taua o se vaega o le tala o tagata soifua i lenei lalolagi talu mai toetoe lava o le amataga. Ae e le finagalo le Alii, le Aloalii o le Filemu, tatou te sii taua i le tasi ma le isi. E tutulu o Ia pe a filifili tagata e le fealofani ma “ua latou aunoa ma le alofa, ma “ … ua inoino i o latou lava toto” (Mose 7:33), ua faaleagaina ai le lalolagi e ala i vesiga (tagai Kenese 6:11–13). O i latou ua aumaia e lo latou amioleaga taua i le lalolagi o le a faamasinoina mo a latou faatinoga.
Ua poloaiina e le Alii Lona nuu ina ia “tetee i taua ma folafola atu le filemu” (MF&F 98:16). Peitai, a oo ina sii taua malo faasaga i le tasi ma le isi, ua fetalai mai foi le Alii e faapea o nisi taimi e tauamiotonuina ai i tatou i le puipuia o o tatou aiga, malo, ma saolotoga mai le faataumaoiina, pulega le tonu, ma sauaga (tagai Alema 43:47; Alema 46:12–13; MF&F 134:11). Ma o le Au Paia o Aso e Gata Ai o loo tautua i militeli a o latou atunuu o loo latou tausisia le mataupu faavae o le “usiusitai i tupu, peresitene, faipule, ma faamasino” (Mataupu Faavae o le Faatuatua 1:12).