Ua Faaleleia e Auaunaga Alofa Fale ma Fanua mo le Fono a Ekalesia i Samoa
Sa tauaaoina atu i le Fono a Ekalesia i Samoa ia Tesema ua tea se nofoaga ua atoatoa ona toe faaleleia, e aofia ai se tulaga masani, umukuka ma le faleleta’ua, mo le Mafutaga a Tamaitai.
Sa totogiina e le Auaunaga Alofa a le AAG le toe faaleleiga ae na tapena ma faamama e le Mafutaga le avanoa mo le faaleleiga, saunia ia pupuni ma o le a totogiina le faapipiiina o ea malulu.
O le faatatau atu i le auai talu ai nei o le Ekalesia i le Fono a Ekalesia i Samoa, na saunoa ai, Elder O. Vincent Haleck, o le Fitugafulu ma le peresitene o le Eria a le Ekalesia i le Pasefika, “O le aso lenei o le loto faafetai mo i tatou uma. Ua umi ona tatou valavala. Ua tatou faatasi nei.”
O le 2013 lea na auai ai Le Ekalesia a Iesu Keriso o le Au Paia o Aso e Gata Ai i le Fono a Ekalesia i Samoa.
Sa tatalaina e le Susuga i le Faifeau o Aisoli Iuli, o le Sui Taitaifono o le Fono a Ekalesia, le sauniga o le tauaaoina atu i le saunoa ai faapea “Ua tatou faatasi ai i le alofa ma le filemu.” O le Susuga i le Faifeau o Maauga Motu, o le Failautusi Aoao o le Fono a Ekalesia na toe ta’ua lena manatu ao ia fautua mai faapea “O le lotogatasi o se upu sili ona lelei ma (ua) talafeagai mo lenei aso faamanatu … mo lenei meaalofa na tuuina mai ia i tatou e Le Ekalesia a Iesu Keriso o le Au Paia o Aso e Gata Ai.”