Ua Aloaia se Faiaoga mo Lana Auaunaga i Tagata Aoao o le Pasefika
O se tagata suesue o le Pasefika e faamatalaina o se “malosiaga sili” ua aloaiaina mo lana galuega i le Pasefika.
O Tufulasi Taleni o se Tagata Tomai Faapitoa mo Aoaoga a le Pasefika o le Iunivesite a Canterbury o le sa mauaina ma tauaao atu i ai le Taui o le NZARE Rae Munro 2017 mo le Tulaga Sili o lana pepa autu o le matuaofaiva—o le uluai tagata suesue foi o le Pasefika ua mauaina lea taui.
O lana autu [thesis]—“O se taitai moni e mauaina le tomai o le faatautaiga”: O se faatosinaga o le lelei o le taitaiga i le siitia ai o talitonuga ma mea e ausia e tagata aoao o le Pasefika i aoga i Niu Sila—taulai atu i faatosinaga lea e i ai ia taitai mataalia o aoga i le faaleleia o taunuuga mo tagata aoao.
O le Polofesa Lagolago a le UC o Jo Fletcher, na faamatalaina Tufulasi o se tagata atamai e tulagaese le malamalama, o se malosiaga sili i mataupu o le iunivesite, ma o se fautua le faavaivai mo ona tagata.
O Tufulasi o se tagatanuu o Samoa, na malaga mai i Niu Sila i le 1985 e faaauau le aoga ma faigaluega e tausia lona aiga i [Samoa].
Na ia faamaeaina lana faailoga o le tagata malaga i le Iunivesite o Otago.
Na saofaga le susuga ia Taleni i le aoga o le Pasefika i le aluga o tausaga e le gata i le avea ai ma se faiaoga, ae i lana matafaioi o se fautua mo aoaoga i totonu o aoga. O loo ia faaauau pea le taulai malosi atu i mea e fai i le atunuu, gaoioiga ma polokalama lea e faaleleia ma fausia ai ni faiga faapaaga lelei i le va o aoga ma nuu o le Pasefika.
O loo ia umia i le taimi nei le Tulaga o le Faatonu o Atinaega o le Pasefika i le Kolisi o Aoga, Atinaega o le Soifua Maloloina ma Tagata, i le Iunivesite o Canterbury.
E naunau Tufulasi e faalauteleina atu ia aoaoga i matua ma le autalavou i lana siteki.
Na te tausia ma faafaileleina sootaga ma le tele o lotu i lana taumafaiga e fesoasoani atu i tagata talavou. Na te faaaluina le tele o lona taimi e siitia ai ma faamalosiau atu ai i le autalavou ina ia aotauina.
“O le avea ma se taitai lelei,” na saunoa ai le susuga ia Taleni, “e tatau ona e avea muamua ma se auauna. Aoao le tele o mea e mafai ona e aoaoina i le avea ai ma se taitai i le lumanai. Aoao ia tausia. Aoao ia alofa. Aoao ia faaaloalo. Aoao ia tumau ma auauna atu i tagata. Aua lava nei galo le mea e te sau ai, ma ia tausia pea lou igoa.”