Mubo ug Direkta
Nganong motugot man ang Dios sa gubat?
Mga litrato gikan sa Getty Images
Ang gubat kabahin na sa istorya sa katawhan dinhi sa yuta hapit sukad pa sa sinugdanan. Apan ang Ginoo, ang Prinsipe sa Kalinaw, dili gusto nga makiggubat kita sa usag usa. Masubo siya kon ang mga tawo dili mopili sa pahigugma sa usag usa ug “walay mga balatian, ug … nasilag sa ilang kaugalingon nga dugo” (Moises 7:33), nagdunot sa yuta pinaagi sa kagubot (tan-awa sa Genesis 6:11–13). Kadtong mga tawo kansang kadautan midala og gubat sa yuta pagahukman sa ilang mga binuhatan.
Ang Ginoo misugo sa Iyang katawhan nga “isalikway ang gubat ug ipahayag ang kalinaw” (D&P 98:16). Hinoon, kon ang mga nasud makig-away batok sa usag usa, ang Ginoo miingon usab nga kita usahay adunay katungod sa pagpanalipod sa atong mga pamilya, mga nasud, ug kagawasan batok sa kalaglagan, pagpangdaug-daog, ug pagpanglupig (tan-awa sa Alma 43: 47; Alma 46: 12–13; D&P 134:11). Ug ang mga Santos sa Ulahing mga Adlaw kinsa nangalagad diha sa mga militar sa ilang nasud nagsunod sa baruganan nga mahimong“ubos sa mga hari, presidente, mga magmamando, ug sa mga maghuhukom” (Mga Artikulo sa Hugot nga Pagtuo 1:12).