Stap LaefWetem Tingting we I Tru
I kam long Randal L. Rid
Hem i wok olsem seken kaonsela blong ol Yang Man jeneral presidensi long 2013 kasem 2015
Hem i tru wan divosen blong ol yang adalt raon long wol, “Stap Laef wetem Wan Stamba Tingting: Hamas i impoten wetem tingting we i tru blong wantem save,” i bin kamaot long Brigham Yang Yunivesiti–Aedaho long 11 Jenuware 2015. Blong kasem ful toktok blong hem, go long devotionals.lds.org.
Wan tingting we i tru i minim se blong mekem ol raet samting from ol raet risen.
Foto i kam long Jupiterimages/Stockbyte/Thinkstock
Mi lanem fasin i blong mekem samting wetem wan stampa tingting taem mi wan yang studen long seminari. Tija blong mifala i givim wan jalenj long mifala blong ridim Buk blong Momon. Blong hem i save se mifala i stap rid o no, hem i droem wan tebol wetem ol nem blong mifala long wan saed mo ol buk insaed long Buk blong Monmon long nara saed blong tebol ia. Long taem we mifala i ridim wan buk, hem bae putum wan sta long saed blong nem blong mifala.
Long stat, mi no traehad blong rid, mo i no longtaem mi luk se mi stap go biaen olgeta long ol narawan. From samting ia mi filim se mi sem from ol fren blong mi oli gat spirit ia blong kompit, i mekem se mi stat blong rid. Evri taem mi karem wan sta, mi filim gud. Mo taem mi karem plante sta, mi gat strong tingting blong rid—afta long ol klas, afta long skul, mo long ol fri taem blong mi.
Bae hem i wan gud stori sapos mi talem long yu se afta long ol hadwok blong mi, mi kam fas wan long klas—be mi no faswan. Mo hemia i oraet sapos mi talem long yu se mi kasem wan samting we i moa gud bitim hemia blong kam faswan—wan testemoni blong Buk blong Momom. Be hemia tu i no hapen. Mi no bin kasem wan testemoni. Wanem we mi bin kasem hem i ol sta. Mi kasem ol sta from hemia nao from wanem mi stap rid from. Blong yusum ol toktok blong Moronae, hem i ril stampa tingting blong mi “real intent.”
Moronae i bin klia taem hem i diskrapem olsem wanem blong faenem aot spos Buk blong Momon i tru: “Mo taem we bae yufala i kasem ol samting ia mi wantem askem strong long yufala se bae yufala i askem God Papa we i No Save Finis long nem blong Kraes sapos ol samting ia i no tru mo sapos bae yufala i askem wetem wan tru hat wetem tingting wei tru blong wantem save fet long Kraes bae hem i soemaot tru tok blong ol samting ia long yufala tru long paoa blong Tabu Spirit” (Moronae 10:4; sam impoten tok ol adem insaed.
Ol Raet Risen
Lukluk i gobak, mi luk save se Lod i no mekem nogud long mi. From wanem nao mi lukluk blong faenem wan nara samting bitim hemia we mi bin stap lukaotem? Gat wan ril stampa tingting i minim se blong mekem ol raet samting from ol raet risen; mi bin stap ridim raet buk be wetem ol rong risen.
I no bin hapen olsem kasem samfala yia i pas taem mi kam blong ridim Buk blong Momon wetem wan ril stampa tingting. Naoia mi save se Buk blong Momon i kasem tabu stampa tingting blong hem blong testifae abaot laef mo misin blong Jisas Kraes from mi bin ridim buk ia wetem wan ril stamba tingting.
Lesen we mi lanem abaot stamba tingting mo Buk blong Momon i blong yumi evriwan, blong yusum long evri eria blong laef blong yumi. Plante taem yumi no rili obei be yumi folem wan paten mo ol fasin we i bin stap finis blong plante yia—yumi folem olsem wanem ol man i muv be yumi no tekem taem blong tingting hevi wea ples nao ol rod ia i stap tekem yumi i go long hem. Laef wetem wan ril stampa tingting i givim moa lukluk mo pepes long laef blong yumi mo bae i mekem evri jenis. Laef wetem wan ril stampa tingting i minim se yumi andastanem “From Wanem”—ol risen bihaen long ol aksen blong yumi. Sokrates i se, “Laef we i nogat plante lukluk long hem i nidim blong stap laef.”1 From hemia, tingting hevi long olsem wanem yu spendem ol taem blong yu, mo askem yu wan plante taem, “From Wanem?” Hemia bae i helpem yu blong gro wetem fasin i blong lukluk bitim taem naoia i go fored. Hem i mo gud blong lukluk i go long fored mo askem long yu wan, “From wanem mi mekem hemia?” bitim blong lukluk i go bak mo talem se, “From wanem, oh, from wanem mi bin mekem samting ia?”
Foto i kam long Sergey Nivens/iStock/Thinkstock
Wanem Nao Lod i Wantem blong Yu Yu Mekem?
Taem mi bin wan yangfala man, mi bin mekem joes blong mi se bae mi no go long misin. Afta long wan yia long kolej mo wan yia insaed long ami, mi bin gat wan gudfala wok long wan lokol hospitol olsem wan Teknisen blong Eksrei. Laef i bin go gud, mo blong mekem misinari wok i no bin impoten long mi long taem ia.
Wan dei, Dokta Jems Pingri, wan dokta blong operetem ol man long hospitol, i invaetem mi blong kakae lanj wetem hem. Long taem blong storian blong mitufala, hem i faenemaot se mi nogat plan blong mekem misinari wok, mo hem i askem from wanem. Mi talem long hem se yia blong mi i ova yia blong go long misin mo ating i let tumas. Hem i talem long mi se hem i no wan gudfala risen, hem i se hem i bin go long misin blong hem afta hem i bin finisim stadi blong hem long medikol skul. Afta hem i talem testemoni blong hem olsem wanem misin blong hem i impoten.
Testemoni blong hem i bin mekem wan jenis long mi. Tingting ia i bin mekem mi blong prea bitim oltaem we mi bin stap prea bifo—wetem wan ril stampa tingting. Mi save tingbaot plante risen from wanem mi no wantem go long misin: mi bin sem Mi gat wan wok we mi laekem. Mi gat plante janis blong kasem skolasip we bae i nomo stap taem bae mi kambak long misin. Mo impoten risen nao, se mi gat wan gelfren we i bin stap wet long mi blong samtaem nao taem mi stap long ami, mo mi save se bae hem i nomo wantem wet blong narafala tu yia bageken. Mi prea blong karem wan ansa se ol risen blong mi oli stret mo tru mo we mi mi raet.
Mi wari, from mi no save karem wan isi yes-o-no ansa we mi stap wantem. Afta tingting ia i kam long mi se: “Wanem nao Lod i wantem yu blong mekem?” Mi mas talem tangkyu se Hem i wantem mi blong givim seves tru long misonari wok, mo hemia i kam wan impoten taem long laef blong mi. Bae mi mekem wanem we mi mi wantem, o bae mi mekem wanem we Lod i wantem? Hemia i wan kwestin we yumi evriwan bae mas askem long yumiwan plante taem.
Mi talem tangkiu, we mi jusum blong go long misen mo bae mi wok long Meksico Not Misen.
Ol Ansa we Oli No Stret
Teti–faef yia afta, boe blong mi i leftemap tingting blong mi blong visitim Meksiko wetem hem. Mifala i hop blong faenem samfala pipol we mi bin tijim olgeta. Mifala i go long wan Sakramen miting insaed long smol taon we mi bin statem misin blong mi long hem, be mi no luk save wan man nating. Afta long miting, mifala i toktok wetem wan long ol memba mo askem sapos hem i save wan man long lis blong ol pipol we mi bin tijim plante yia i pas finis. Mifala i go tru long lis ia be mifala i no winim, kasem long las nem: Liona Lopes de Enrikwues.
“O, yes,” man ia i talem. “Famle ia oli stap long nara wod, be oli kam long Jos insaed long bilding ia. Nekis sakremen miting i blong olgeta.”
Mifala i no bin wet longtaem bifo Liona i stap wokbaot i kam insaed long bilding. Nomata naoia hem i stap long medel blong 70 yia blong hem, mi luk save hem kwik taem nomo, mo hem i luksave mi. Mitufalal i hakem mitufala blong longtaem mo krae.
“Mifala i prea blong 35 yia se yu bae kambak blong mifala i talem tangkiu long yu blong tekem gospel i kam long famle blong mifala,” hem i talem.
Taem ol nara memba blong famle ol kam insaed long bilding, mifala i hakem mifala wetem plante krae. Afta mifala i finemaot se bisop blong wod ia i wan long ol pikinini boe blong Liona, singa hem i abu pikinini gel blong hem, man long piano hem wan long ol apu pikinini boe blong hem, mo sam long ol yang man insaed long Aronik Prishud. Wan long ol gel blong hem i maredem wan kaonsela insaed long stek presidensi. Narafala gel blong hem i maredem bisop blong wan wod we i stap kolosap nomo. Plante long ol pikinini blong Liona long bin go long ol misen, mo naoia oli gat apu piknini oli stap mekem misienari wok
Mifala i lanem se Liona i wan gudfala misinari bitim mi. Tedei ol pikinini blong hem ol talem Tangkyu blong olgeta long hem taem oli storian long ol had wok blong hem we i neva spel blong tijim olgeta gospel. Hem i tijim olgeta se ol smol desisen, long en, oli kam ol risal blong wan ful, stret mo gud, mo hapi laef, mo olgeta i tijim ol narawan long ol samting ia. Evriwan i talem, se ofa long 500 pipol i kam long Jos from naesfala famle ia.
Mo evri samting ia yumi folem i kambak daon long wan storian blong lanj. Mi samtaem mi tingting se spos Dokta Pingre i bin lukluk moa long wok blong mi o ol narafala samting blong wol we ol man i stap ron from, bae hem i neva save askem from wanem mi no go long misen. Be lukluk blong hem i stap long ol narawan, mo blong mekem wok blong Lod i go fored. Hem i planem wan sid we i bin gro, we i karem kakae, mo gohed blong kam bigwan kwik taem nomo (Luk long Mak 4:20). Misen blong mi i tijim mi ol ansa we i no stret long wan singel desisen blong mekem wok blong Lod.
Putum Stamba Tingting we I No Save Finis I Kam Faswan
Plante taem mi lukluk i gobak long laef blong mi mo tingting se from wanem i bin had long mi blong mekem disisen blong go long wan misin. I bin had from ol samting oli stopem mi; Mi lusum pija blong stampa tingting blong mi long laef we i no save finis—ril stampa tingting from wanem yumi stap long ples ia.
Wanem mi wantem mo tingting blong mi oli no bin joen wetem tingting blong Lod; sapos no, desisen bae i bin isi nomo. Mo from wanem nao oli tingting ia oli no joen? Mi bin go long jos mo tekem pat long sakremen long ol Sandei, be mi no lukluk long mining blong hem. Mi prea, be mi no stap go tru long ol filing blong prea. Mi ridim ol skripja be wanwan taem nomo mo nogat ril stamba tingting blong rid.
Mi leftemap tingting blong yu blong laef long wan laef we i gat stamba tingting mo laef we i lukluk long laef—nomata sapos yu no bin stap mekem oltaem bifo. Yu no mas lukluk daon long yuwan tru long ol tingting long wanem yu bin mekem finis o no mekem yet. Letem Sevya i waepem Kapa blong ruf ia i klin. Tingbaot wanem we hem i bin talem: “Be evri taem we oli bin sakem sin mo bin lukaotem blong kasem fogivnes, wetem tru tingting, oli bin fogivim olgeta.”
Lisin Naoia Laef long wan laef we i gat wan stamba tingting, andastanem from wanem yu mekem wanem we yu stap mekem mo wea ples bae i tekem yu go long hem. Taem yu mekem ol samting ia, bae yu faenemaot se bigfala impoten kwestin ia “from wanem” bihaen long evrisamting we yu mekem i from we yu lavem Lod mo luksave klin lav i blong Hem long yu. Bambae yu faenem bigfala glad long taem we yu stap lukaotem stret mo klin fasin mo blong andastanem mo mekem wanem we Hem i wantem.