Rere long Toj blong Yu: 30–Dei Tes

Blong ol yut insaed long Jos we oli gat plante samting blong mekem, hem i isi nomo blong oli no save lego ol semmak sistem we oli stap wok folem evridei, speseli wetem ol samting long saed blong spirit. Yumi ridim ol skripja, prea, mo wosip folem semmak fasin evridei afta yumi stap tingting se from wanem yumi no stap gro long saed blong spirit.

Wan gudfala wei blong kipim toj blong yu long saed blong spirit i gohed blong saen strong hem i blong mekemsua se ol eksperiens we yumi stap gat long saed blong spirit i gat mining long yumi. Be hemia hem i isi blong talem bitim blong mekem, hemia hem i wan tingting blong helpem yu blong gohed blong gro long saed blong spirit: Tingbaot wan aktiviti long saed blong gospel we yu neva bin mekem bifo (o yu no bin mekem longtaem) mo gat wan strong tingting blong mekem hemia evridei blong wan ful manis. Yu save stat smol from bae yu luk se i moa isi blong smol smol jenis we bae i save stap longtaem. Blong mekem ol samting we bae i save tekemaot yumi long ol ples blong kamfot long saed blong spirit, i nidim yumi blong gat moa fet mo traehad moa, yumi stap invaetem Tabu Spirit blong stap wetem yumi, mo yumi stap soemaot bigfala fet long Papa long Heven mo wantem kam moa kolosap long Hem. Hemia samfala tingting blong yu save stat wetem: