!O no! ?Naoia Wanem Nao?
I save hapen eni ples-long hom, long skul, o long haos blong wan fren. Sek nomo se yu luk wan samting yu save i nogud—long wan telefon, Tivi, kompiuta, o ol masin o tul blong gem, o insaed wan buk o magasin. Naoia wanem nao yu save mekem blong mekem yu filim moa gud?
-
Kamaot long samting ia. Ofem. Putum daon. Tekem olsem se i wan poesin blong bren blong yu-from hemia nao wok blong hem.
-
Talem long mama mo papa blong yu. Papa mo mama i save gud yu, mo tufala i wantem helpem yu blong stap sef mo hapi. No mas sem. Wanem we i hapen long yu, i hapen samtaem long kolosap evriwan.
-
Gohed blong toktok Ating bae i helpem yu blong talem long mama o papa blong yu eni samting we yu luk long dei taem we i mekem yu no filim gud. Papa mo mama i save helpem yu mekem wan plan blong protektem yuwan from ol samting we i no stret blong luk. Sapos yu filim se oli giaman, wari, o yu laekem blong luk wan samting we i no stret bakgen, mekemsua blong talem long olgeta tu.
-
Yu no sidaon nomo. Luk mo ridim wan gud samting. Mekem sam aktiv Mekem wan gud wok Go stap raon long famle o ol fren.
-
Tingbaot huia yu. From wanem we yu bin luk, i no minim se yu wan nogud man. Yu yu pikinini blong God, mo Hem i lavem yu mo wantem helpem yu stap sef mo hapi.
-
Lego i go Gat pikja ia long yuwan we yu lego wan balun i flae mo yu stap luk i flae. Yu traem rilaks mo lego wanem we yu luk i kamaot sloslo. Naoia tingbaot tempol, famle blong yu, o narafala samting we yu lavem blong luk.